Gold ATM: నగదు ఏటీఎంలు, డిపాజిట్ మిషన్లలో నగదును జమ చేయడం చూశాం. తాజాగా హైదరాబాద్‌లోని అమీర్‌పేట్‌లో గోల్డ్ ఏటీఎం అందుబాటులోకి వచ్చింది. ఏటీఎం నుంచి ఎలాగైతే డబ్బులు తీసుకుంటామో.. ఈ గోల్డ్ ఏటీఎం నుంచి అలాగే బంగారం, వెండి కాయిన్స్ తీసుకోవచ్చు. డెబిట్ కార్టు, క్రెడిట్ కార్డు లేదా యూపీఐ పేమెంట్ చేసి బంగారం, వెండి కాయిన్స్‌ను కొనుగోలు చేయవచ్చు. ఈ గోల్డ్ ఏటీఎంను గోల్డ్ సిక్కా సంస్థ అధ్వర్యంలో అమీర్‌పేట్ మెట్రోస్టేషన్ పరిధిలో ఏర్పాటు చేశారు.
ఇది కూడా చూడండి: Road Accident : టీ దుకాణంలోకి దూసుకెళ్లిన ట్రక్కు.. ఐదుగురు దుర్మరణం
గతేడాది డిసెంబర్‌లో బేగంపేటలో గోల్డ్ ఏటీఎంను ప్రారంభించారు. అయితే గతంలో కేవలం డెబిట్, క్రెడిట్ కార్డుల ద్వారా ఏటీఎం నుంచి నాణేలను డ్రా చేసుకోవడానికి అవకాశం ఉండేది. ఈ కొత్త వెర్షన్‌-2లో యూపీఐ విధానంలో క్యూఆర్ కోడ్ స్కాన్ చేసి నగదు చెల్లించి బంగారం, వెండి నాణేలను పొందవచ్చు. 99.99% నాణ్యత గ్యారెంటీ తెలిపే పత్రాలతో సహా 0.5, 1, 2, 5, 10, 20 గ్రాముల బంగారం, వెండి 10, 20, 50, 100 గ్రాముల నాణేలను డ్రా చేసుకోవచ్చు. అంతర్జాతీయ మార్కెట్‌కు అనుగుణంగా వీటి ధరలు ఉంటాయన్నారు. ఈ గోల్డ్ ఏటీఎం ఉదయం 9:50 నుంచి రాత్రి 11:30 వరకు తెరిచి ఉంటుంది.
ఇది కూడా చూడండి: PM Modi : రామాలయం మాత్రమే కాదు.. 4కోట్లమందికి శాశ్వత గృహాలు
