This is Prabhas craze 120 feet cutout, 6 helicopters
ఇప్పటికే అన్ని సెంటర్స్‌లో సలార్ బుకింగ్స్ ఓపెన్ అయ్యాయి. టికెట్స్ హాట్ కేకుల్లా అమ్ముడవుతున్నాయి. డంకీ సినిమాని సలార్ బుకింగ్స్ క్లియర్ కట్‌గా డామినేట్ చేస్తోంది. బుకింగ్స్ విషయంలోనే కాదు సెలబ్రేషన్స్ విషయంలోను ప్రభాస్ ఫ్యాన్స్ చేస్తున్న హంగామా మామూలుగా లేదు. ముఖ్యంగా నార్త్ ఇండియా, స్పెషల్‌గా ముంబైలో సలార్‌కి భారీ కటౌట్స్, ఫ్లెక్సీలు కడుతున్నారు. ముంబైలో ఏకంగా 120 అడుగుల కటౌట్‌ను ఏర్పాటు చేశారు. ముంబై R మాల్ వద్ద ఏర్పాటు చేసిన కటౌట్‌కి సంబంధించిన వీడియోని నిర్మాణ సంస్థ హోంబలే ఫిలింస్ వారు సోషల్ మీడియా వేదికగా రిలీజ్ చేశారు. దీంతో ముంబైని ముంచెత్తేలా ఉంది ఈ డైనోసర్ కటౌట్. ఓ సౌత్ ఇండియన్ హీరోకి ముంబైలో ఇంత పెద్ద కటౌట్‌ను ఏర్పాటు చేయడం ఇదే తొలిసారి.
ఈ లెక్కన సలార్ క్రేజ్ ఎలా ఉందో అర్థం చేసుకోవచ్చు. ఇదిలా ఉంటే.. రెండు రోజుల క్రితం కెనడాలో ఉన్న ప్రభాస్ ఫ్యాన్స్ చేసిన రచ్చ అంతా ఇంత కాదు. కెనడాలో ఉన్న రెబల్ స్టార్ అభిమానులు.. నేల మీద భారీ సలార్ పోస్టర్ డిజైన్ చేయించి.. వివిధ రంగుల్లోఆరు హెలికాప్టర్స్‌తో ఆకాశంలో సలార్ పోస్టర్‌కు సెల్యూట్ చేయించారు. ఈ వీడియోని కూడా చిత్ర నిర్మాణ సంస్థ హోంబలే ఫిలింస్ షేర్ చేసింది.
ఓ భారీ హాలీవుడ్ సినిమా స్టైల్‌లో యూనివర్సల్ డార్లింగ్ ప్రభాస్ కోసం అభిమానులు చేసిన ఈ ఫీట్ సోషల్ మీడియాను షేక్ చేసింది. ఇక ఇప్పుడు 120 ఫీట్ల కటౌట్ వీడియో వైరల్‌ అవుతోంది. ఇకపోతే.. ప్రశాంత్ నీల్ తెరకెక్కించిన ఈ సినిమాలో శృతి హాసన్ హీరోయిన్‌గా నటించగా.. పృథ్వీరాజ్ సుకుమారన్, జగపతి బాబు కీ రోల్ ప్లే చేస్తున్నారు. రవి బస్రూర్ సంగీతం అందిస్తున్నాడు.
ఇది కూడా చూడండి: Samantha: రెండో పెళ్లి గురించి సమంత కీలక ప్రకటన
