Former DGP son in law included in Rs 36.55 AP challan scam
ఏపీ(ap)లో ఇటివల వెలుగులోకి వచ్చిన రూ.36.55 కోట్ల ట్రాఫిక్ ఈ-చలాన్ పేమెంట్ స్కాం(E challan scam)లో కీలక విషయాలు వెలుగులోకి వచ్చాయి. ఈ కుంభకోణానికి పాల్పడిన వారిలో మాజీ డీజీపీ అల్లుడు సూత్రధారి అని తేలింది. అయితే తిరుపతిలో ట్రాఫిక్ జరిమానాల వసూళ్లలో తేడాలపై పోలీసులు అంతర్గత విచారణ ప్రారంభించడంతో ఈ ఘటన వెలుగులోకి వచ్చింది. ఆంధ్రప్రదేశ్‌లో ట్రాఫిక్ పోలీసులు నమోదు చేసిన కేసులకు సంబంధించిన జరిమానాలను ఈ-చలాన్ల రూపంలో వసూలు చేస్తారు. అవి నాలుగు పేమెంట్ గేట్‌వేల ద్వారా DGP ఖాతాలో జమ చేయబడతాయి. ఇందులో మాజీ డీజీపీ సాంబశివరావు అల్లుడు కొమ్మిరెడ్డి అవినాష్‌కు చెందిన డేటా ఎవాల్వ్‌కు చెందిన రేజర్ పే అనే గేట్‌వే కూడా ఉంది.
అయితే రేజర్ పే గేట్‌వే నుంచి నేరుగా డీజీపీ ఖాతాలోకి డబ్బు జమ కాకుండా.. అవినాష్ డెవలప్ చేసిన రేజర్ పే అనే క్లోన్డ్ యాప్‌తో అవినాష్ ఖాతాలోకి డబ్బు జమ చేయబడింది. ఆ విధంగా దాదాపు రూ.36.55 కోట్లు అవినాష్ ఖాతాల్లోకి చేరాయి. ఆ విధంగా గత ఐదేళ్లలో జరిమానాల ద్వారా వసూలు చేసిన రూ.100 కోట్లలో రూ. 36.53 కోట్ల నిధులు మళ్లింపు జరిగినట్లు అధికారులు గుర్తించారు. అయితే ఈ సొమ్ము కొమ్మిరెడ్డి అవినాష్(Kommireddy Avinash)కు చెందిన రేజర్ పే పీఈ ఖాతాకు మళ్లించారని గుంటూరు రేంజ్ ఐజీ పాలరాజు ఈ మేరకు వివరాలను వెల్లడించారు. ఈ నిధుల మళ్లింపు విషయాన్ని సెప్టెంబరులో తిరుపతి యూనిట్‌లో గుర్తించామని తెలిపారు. 100 కోట్ల రూపాయల ఆదాయానికి గాను 36.53కోట్ల రూపాయలు నగదు డీజీ ఖాతాకు జమకాలేదన్నారు. జూన్ 27, 2017న అప్పటి డీజీపీ సాంబశివరావు డేటా ఎవాల్వ్‌ను ఈ-చలాన్ సర్వీస్ ప్రొవైడర్‌గా నియమించినట్లు గుర్తించారు. వారు కేవలం రూ. 1 కోట్ చేయడం ద్వారా ఈ కాంట్రాక్టును పొందారు.
తిరుపతి ట్రాఫిక్ డీఎస్పీ నర్సప్ప మే 1 నుంచి మే 20 వరకు వసూలు చేసిన సొమ్ములో తేడాలు రావడంతో ఈ మోసం వెలుగులోకి వచ్చింది. రోజూ తన యూనిట్ నుంచి వసూలు చేసిన డబ్బుపై ఆరా తీస్తుండగా.. విషయాన్ని ఉన్నతాధికారుల దృష్టికి తీసుకెళ్లాడు. అంతర్గత విచారణలో ఈ భారీ కుంభకోణం(scam) బయటపడింది. డేటా ఈవోలకు చెందిన కొత్తపల్లి రాజశేఖర్‌ను కోర్టులో హాజరుపరచగా, కీలక నిందితుడు కొమ్మిరెడ్డి అవినాష్ ప్రస్తుతం పరారీలో ఉన్నాడు.
అదే కంపెనీ డైరెక్టర్లుగా ఉన్న అవినాష్ సోదరి అక్షిత, రవికిరణ్‌లకు కూడా ఈ కేసులో ప్రమేయం ఉందని పోలీసులు(police) తెలిపారు. మిగిలిన నిందితులను త్వరలో పట్టుకుంటామని పేర్కొన్న పోలీసులు, క్లోన్ చేసిన యాప్ ద్వారా వివిధ ఖాతాల్లోకి నగదు బదిలీపై దర్యాప్తు చేస్తున్నట్లు తెలిపారు. ఇదిలా ఉండగా గుంటూరు రేంజ్ డీఐజీ అవినాష్‌తో పాటు అతని కంపెనీ డేటా ఎవాల్వ్‌కు చెందిన ఆస్తుల క్రయవిక్రయాలను నిలిపివేయాలని రిజిస్ట్రేషన్ శాఖకు లేఖ రాశారు.
ఇది కూడా చూడండి: Jaya Prada: ఈఎస్‌ఐ కేసులో ప్రముఖ నటి జయప్రదకు షాక్
