Good news for 'Prabhas' fans.. Target fix for marriage!
Prabhas: నార్త్‌లో సల్మాన్ ఖాన్, సౌత్‌లో ప్రభాస్ మాత్రమే ప్రస్తుతానికి మోస్ట్ ఎలిజిబుల్ బ్యాచ్‌లర్స్‌గా ఉన్నారు. సల్మాన్ పెళ్లి గురించి క్లారిటీ లేదు గానీ.. మన డార్లింగ్ పెళ్లి విషయంలో మాత్రం ఎప్పటికప్పుడు వార్తలు వస్తునే ఉన్నాయి. అదిగో, ఇదిగో అంటూ ప్రభాస్ పెళ్లి మ్యాటర్ హాట్ టాపిక్ అవుతునే ఉంది. ప్రభాస్ మాత్రం పెళ్లి కబురు చెప్పడం లేదు. ఎప్పుడు అడిగినా.. మాట దాటేస్తున్నాడు. కానీ తాజాగా ప్రభాస్ పెద్దమ్మ శ్యామల దేవి, డార్లింగ్ పెళ్లి గురించి క్లారిటీ ఇచ్చింది.
చదవండి: ‘Tiger Nageswara Rao’ సెన్సార్ కంప్లీట్.. ఫైనల్ రన్ టైం ఇదే!
విజయవాడ కనకదుర్గమ్మ అమ్మవారిని దర్శించుకున్న శ్యామల దేవి.. ప్రభాస్ పెళ్లి ఎప్పుడు అన్న ప్రశ్నకు.. ‘త్వరలోనే బాబు పెళ్లి ఉంటుంది. అమ్మవారి దీవెనలతో, కృష్ణంరాజు గారి ఆశీస్సులతో పెళ్లి జరుగుతుంది. వచ్చే దసరాలోపు ప్రభాస్ ఓ ఇంటివాడు అవుతాడు. అయితే, అమ్మాయి ఎవరు.. పెళ్లి డేట్ ఎప్పుడు అనే విషయాలు చెప్పలేను. త్వరలోనే శుభకార్యం ఉంటుంది’ అని చెప్పుకొచ్చింది. దీంతో ప్రభాస్ పెళ్ళికి టార్గెట్ ఫిక్స్ అయినట్టేనని చెప్పాలి.
కచ్చితంగా వచ్చే దసరా లోపు డార్లింగ్ ఓ ఇంటి వాడు అవ్వడం ఖాయంగా కనిపిస్తోంది. గతంలోను శ్యామలా దేవి ఇదే తరహా వ్యాఖ్యలు చేశారు. అయినా ఇప్పటి వరకు ప్రభాస్ పెళ్లి పీఠలెక్కలేదు. కాబట్టి.. శ్యామలా దేవి తాజాగా చెప్పినట్లు వచ్చే దసరాలోపు ప్రభాస్ పెళ్లి చేసుకుంటాడా? లేదా? అనేది వేచి చూడాల్సిందే. ఇకపోతే.. ప్రభాస్ కొత్త మూవీ సలార్ డిసెంబర్ 22వ తేదీన రిలీజ్‌ అవుతోంది. అక్టోబర్ 23న ప్రభాస్ బర్త్ డే సందర్భంగా సలార్ నుంచి సాలిడ్ అప్డేట్ రాబోతోంది.
