చంద్రబాబు అరెస్ట్ నేపథ్యంలో ఆయన అరెస్ట్ అక్రమమని టీడీపీ నేతలు రాష్ట్ర వ్యాప్తంగా.. న్యాయానికి సంకెళ్లు, బాబుతో నేను అనే నిరసన కార్యక్రమాలు చేపడుతున్నాయి. మరోవైపు ఎన్నికలకు టీడీపీ, జనసేనతో కలిసి వైసీపీని ఢీకొట్టబోతోంది. ఈ తరుణంలో ఇటీవలె జైలులో చంద్రబాబును పరామర్శించిన జేనసేనాని పవన్ కళ్యాణ్ పొత్తుకు సమ్మతం తెలిపారు.
చదవండి: Vijayawada : ఇంద్రకీలాద్రిపై దుర్గమ్మను దర్శించుకున్న ఏపీ గవర్నర్ దంపతులు
పవన్ టీడీపీతో పొత్తు పెట్టుకుంటున్నామని ప్రకటించినప్పటి నుంచి పొత్తు దిశగా టీడీపీ ముందడుగు వేసి పలు కార్యక్రమాలు చేపట్టింది. ఈ నేపథ్యంలో జనసేనతో సమన్వయం కోసం నేడు టీడీపీ కమిటీని ఏర్పాటు చేసినట్లుగా ఏపీ టీడీపీ అధ్యక్షుడు కింజరాపు అచ్చెన్నాయుడు ప్రకటనలో తెలిపారు.
చదవండి: Chandrababu గదిలో ఏసీ ఏర్పాటుకు కోర్టు ఓకే
టీడీపీ జాతీయ అధ్యక్షుడు నారా చంద్రబాబు నాయుడు ఆదేశాల మేరకు జనసేన పార్టీతో సమన్వయం కోసం కమిటీని నియమించినట్టు ఆయన తెలిపారు. ఇరు పార్టీల సమన్వయం కోసం ఈ కమిటీ పనిచేస్తుందని, ఏపీలో వైసీపీని నామరూపం లేకుండా చేస్తుందని అచ్చెన్నాయుడు అన్నారు.
కమిటీ సభ్యులు వీరే:
1. కింజరాపు అచ్చెన్నాయుడు
2. యనమల రామకృష్ణుడు
3. పయ్యావుల కేశవ్
4. పితాని సత్యనారాయణ
5. తంగిరాల సౌమ్య
