Not Leave YSRCP Party: Pilli Subash
Pilli Subash: జనసేనలో చేరడం లేదని వైసీపీ ఎంపీ పిల్లి సుభాష్ చంద్రబోస్ (Pilli Subash) స్పష్టంచేశారు. పార్టీ మార్పు గురించి ప్రచారం జరుగుతుందని తేల్చిచెప్పారు. కార్యకర్తలకు న్యాయం చేస్తానని.. వారిలో ధైర్యం నింపాల్సిన అవసరం ఉందన్నారు. రామచంద్రాపురం నియోజకవర్గంలో సీఎం జగన్ టీమ్ తిరుగుతుందని.. సర్వే మేరకు టికెట్ కేటాయింపు ఉంటుందని చెప్పారు. నియోజకవర్గంలో జరుగుతున్న పరిణామాలను సీఎం జగన్‌కు వివరించానని తెలిపారు. టికెట్ గురించి మంచి నిర్ణయం వస్తోందని సుభాష్ చంద్రబోస్ (Pilli Subash) తెలిపారు. రామచంద్రాపురంలో మంత్రి వేణు పని ఆయన చేసుకుంటారు.. తన పని తాను చేసుకుంటానని వివరించారు.
చదవండి: KCRకు ఉద్యోగులు తగిన బుద్ది చెబుతారు: ఈటల రాజేందర్
రామచంద్రాపురంలో సుభాష్ (Pilli Subash).. లేదంటే ఆయన కుమారుడు బరిలోకి దిగే అవకాశం ఉంది. గెలిచే అభ్యర్థులకే టికెట్ కేటాయిస్తారు. అందుకోసం సీఎం జగన్ సర్వే చేయిస్తున్నారు. టికెట్ కేటాయింపు జరుగుతుందా..? లేదా అనే సందేహాలు నెలకొన్నాయి. దీంతో సుభాష్ (Pilli Subash) పార్టీ మారతారనే ప్రచారం జరుగుతోంది. అదేం లేదని.. వైసీపీలోనే ఉంటానని తేల్చిచెప్పారు.
