బిచ్చగాడు సినిమాతో తెలుగులోను మంచి క్రేజ్ సొంతం చేసుకున్నాడు విజయ్ ఆంటోనీ. దాంతో బిచ్చగాడుకి సీక్వెల్‌గా వస్తున్న బిచ్చగాడు 2(bichagadu 2)పై భారీ అంచనాలు ఏర్పడ్డాయి. మే 19న ఈ సినిమా గ్రాండ్‌గా థియేటర్స్‌లో రిలీజ్ అయింది. ఈ సినిమాలో విజయ్ ఆంటోనీ హీరోగా నటించడమే కాకుండా.. దర్శకత్వం వహించి, మ్యూజిక్ కూడా అందించాడు. విజయ్ ఆంటోనీ భార్య నిర్మాతగా వ్యవహరించింది. కావ్య థాపర్ హీరోయిన్‌గా నటించింది. అయితే చాలా గ్యాప్ తర్వాత వచ్చిన కూడా.. ఈ సీక్వెల్ అదిరిపోయే వసూళ్లను రాబట్టింది.
తెలుగు, తమిళంలో అత్యధిక థియేటర్లలో విడుదలైన ఈ సినిమాకు.. రెండు తెలుగు రాష్ట్రాల్లో ఫస్ట్ డే భారీ రెస్పాన్స్ వచ్చింది. కేవలం తెలుగులోనే 2 కోట్లకు పైగా షేర్, 4 కోట్లకు పైగా గ్రాస్ వచ్చిందంటున్నారు. ఈ సినిమా మొత్తం తెలుగు బిజినెస్ 6 కోట్లు. దీంతో తెలుగులో బ్రేక్ ఈవెన్ టార్గెట్ 6.50 కోట్లు. ఈ లెక్కన సినిమా తెలుగు బ్రేక్ ఈవెన్ కోసం మరో 4 కోట్లకు పైగా రాబట్టాల్సి ఉంది.
ఇక ప్రపంచ వ్యాప్తంగా 4 కోట్ల షేర్, 8 కోట్లకు పైగా గ్రాస్ వసూలు చేసిందని అంటున్నాయి ట్రేడ్ వర్గాలు. ఈ మూవీ ప్రపంచ వ్యాప్తంగా 15 కోట్ల వరకు ప్రీ రిలీజ్ బిజినెస్ జరిగింది. 16 కోట్ల బ్రేక్ ఈవెన్ టార్గెట్‌తో బరిలోకి దిగిన బిచ్చగాడు డే వన్ 4 కోట్లు వచ్చాయి అంటే..మరో 12 కోట్లు రాబడితే ఈ మూవీ లాభాల బాట పడుతుంది. మొత్తంగా బిచ్చగాడు2 డే వన్ భారీ వసూళ్లను రాబట్టిందని చెప్పొచ్చు.
ఇది కూడా చూడండి: Junior ntr: తాత శతజయంతి వేడుకలకు జూ ఎన్టీఆర్ రావట్లేదు..ఇందుకేనటా!
