ఆర్ఆర్ఆర్ తర్వాత యంగ్ టైగర్ ఎన్టీఆర్, కొరటాల శివ దర్శకత్వంలో ఓ సినిమా చేయబోతున్న సంగతి తెలిసిందే. అయితే ఈ సినిమాకు ఇంకా టైటిల్ ఫిక్స్ చేయలేదు.. ఎన్టీఆర్ 30 వర్కింగ్ టైటిల్‌తోనే అనౌన్స్ చేశారు. దాంతో ఈ సినిమాకు ఎలాంటి టైటిల్ పెడతారనే ఆసక్తి అందరిలోను ఉంది. ఈ నేపథ్యంలో.. తాజాగా ఈ టైటిల్ గురించి ఓ న్యూస్ హల్ చల్ చేస్తోంది. పవర్ స్టార్ పవన్ కళ్యాణ్ అంటే.. బండ్ల గణేష్‌కు ఎంత అభిమానమో ప్రత్యేకంగా చెప్పనక్కర్లేదు. బండ్లన్న దృష్టిలో పవన్ అంటే దేవుడు.. అందుకే ‘దేవర’ అని పిలుస్తుంటాడు. అంతేకాదు.. పవన్‌ను పెట్టి ఎప్పటికైనా ‘దేవర’ అనే టైటిల్‌తో సినిమా చేయాలనేది బండ్లన్న కోరిక అట. అందుకే ఆ టైటిల్‌ను చాలా కాలం క్రితమే రిజిస్టర్ చేయించాడట. ఎప్పటికప్పుడు రెన్యూవల్ చేస్తునే ఉన్నాడట. అయితే ఈ మధ్య రెన్యువల్ చేయించడం మర్చిపోయారట బండ్ల. దీంతో ఇదే టైటిల్‌ని కొరటాల శివ రిజిస్ట్రేషన్ చేయించినట్టు లేటెస్ట్ అప్టేట్. అంతేకాదు.. అల్రేడి ఎన్టీఆర్ 30కి ‘దేవర’ అనే టైటిల్ ఫిక్స్ చేసినట్టు తెలుస్తోంది. దీనిపై త్వరలోనే అధికారిక ప్రకటన రాబోతోందని టాక్. అయితే నిజంగానే బండ్లన్న టైటిల్‌ను కొరటాల తీసుకున్నాడా.. అసలు ఇలాంటి వార్తల్లో ఎంతవరకు నిజముందనేది తెలియాల్సి ఉంది. ప్రస్తుతం ఈ న్యూస్ మాత్రం టాలీవుడ్ వర్గాల్లో హాట్ టాపిక్‌గా మారింది. మరి దీని పై కొరటాల లేదా బండ్లన్న స్పందిస్తారేమో చూడాలి. అయితే ఈ టైటిల్ పాన్ ఇండియా స్థాయిలో వర్కౌట్ అవుతుందా.. అనే సందేహాలు వ్యక్తమవుతున్నాయి. కాబట్టి దీనిపై క్లారిటీ రావాల్సి ఉంది.
