దక్షిణ కొరియాలో మంచు తుఫాను బీభత్సం సృష్టిస్తోంది. రెండు రోజుల నుంచి కురుస్తున్న భారీ హిమపాతం కారణంగా ఐదుగురు మృతి చెందారు. వీరిలో నలుగురు అధిక మంచు బరువు కారణంగా ఓ నిర్మాణం కూలిపోయి మరణించగా.. మరొకరు మంచుతో నిండిన రోడ్డుపై బస్సు జారీ పడడంతో చనిపోయారు. తుఫాను కారణంగా సియోల్లోని కొన్ని ప్రాంతాల్లో 16 అంగుళాల కంటే ఎక్కువ మంచు పేరుకుపోయింది. దీంతో 140 విమానాలను, 76 బోట్లను రద్దు చేశారు. 1285 పాఠశాలలను మూసివేశారు.
