కాంగ్రెస్‌ ఫైర్‌ బ్రాండ్ రేణుకాచౌదరి ఈసారి ఇంట్రెస్టింగ్‌ కామెంట్స్‌ చేశారు. తాను తెలంగాణతోపాటు ఆంధ్రప్రదేశ్‌లోనూ పోటీ చేయబోతున్నట్లు ప్రకటించారు. అది కూడా వైసీపీ పైర్ బ్రాండ్ కొడాలి నాని ప్రాతి నిధ్యం వహిస్తోన్న గుడివాడ నుంచి బరి దిగబోతున్నట్లు చెప్పారు. మొన్నటి వరుకూ ఉమ్మడి రాష్ట్రమే కదా..తెలుగు రాష్ట్రం లో పోటి చేస్తే తప్పేంటి అన్నారు. ఏపీలో పోటీ చేయాలని తనపై ఒత్తడి వస్తోందని, అందుకే గుడివాడ ఆలోచిస్తున్నట్లు చెప్పుకొచ్చారు. వచ్చే ఎన్నికల్లో ఖమ్మం అసెంబ్లీ స్థానం నుంచి పోటీ చేస్తానంటోన్న రేణుకాచౌదరి… గుడివాడ కూడా తన మనసులో ఉందన్నారు. రెండు చోట్లా పోటీ చేయడంపై సీరియస్‌గా ఆలోచిస్తున్నట్లు చెప్పారు. ఇక, పొంగులేటి శ్రీనివాస్‌రెడ్డిపై పరోక్షంగా హాట్‌ కామెంట్స్‌ చేశారు రేణుక. ఎవరొచ్చినా స్వాగతిస్తామంటూనే… ఎక్కడా దిక్కులేని వాళ్లకు కాంగ్రెస్‌ దిక్కంటూ సెటైర్లు వేశారు.
