Salman Khan : కొద్ది రోజుల క్రితం సల్మాన్ ఖాన్ ఇంటి బయట కాల్పుల ఘటన జరిగింది. ఈ కేసులో పోలీసులు కొంతమందిని అరెస్టు చేశారు. అందులో నిందితులలో ఒకరైన అనుజ్ థాపన్ బుధవారం (మే 1) ఆత్మహత్య చేసుకున్నాడు. అనూజ్ జైలు బాత్రూంలో ఉరివేసుకుని ఆత్మహత్యకు పాల్పడినట్లు ముంబై పోలీసులు తెలిపారు. ఇప్పుడు మరణించిన అనూజ్ కుటుంబ సభ్యులు అతని మృతదేహాన్ని స్వీకరించడానికి నిరాకరించారు. ఇది హత్యే అని పేర్కొన్నారు. ఇది మాత్రమే కాదు, కుటుంబ సభ్యులు ముంబై హైకోర్టులో రిట్ దాఖలు చేశారు.
చదవండి:Madhya pradesh: భార్యతో అసహజ శృంగారం అత్యాచారం కాదు
అనుజ్ థాపన్ తల్లితండ్రులు జస్వంత్ సింగ్, మామ కుల్దీప్ విష్ణోయ్, బంధువు విక్రమ్ థాపన్ మరణంపై సెంట్రల్ బ్యూరో ఆఫ్ ఇన్వెస్టిగేషన్ (సిబిఐ) దర్యాప్తును డిమాండ్ చేశారు. అనూజ్ కుటుంబం తరపు న్యాయవాది ఇది ఆత్మహత్య కాదని, అతని మరణం వెనుక కుట్ర ఉందని, అందువల్ల సీబీఐ దర్యాప్తు చేయాలని ఆరోపించారు. కుటుంబ సభ్యులు కూడా అనూజ్ మృతదేహాన్ని స్వీకరించేందుకు నిరాకరించారు. సీబీఐ విచారణ జరిపేంత వరకు మృతదేహాన్ని తీసుకెళ్లబోమని చెప్పారు.
చదవండి:Maharastra : తృటిలో తప్పిన పెను ప్రమాదం.. పొలంలో దిగిన ఆర్మీ హెలీకాప్టర్
సల్మాన్ ఖాన్ ఇంటి బయట జరిగిన కాల్పుల్లో షూటర్లు సాగర్ పాల్ , విక్కీ గుప్తాలను గుజరాత్‌ పోలీసులు అరెస్టు చేశారు. వీరికి ఆయుధాలు సరఫరా చేసినట్లు విచారణలో తేలింది. దీని తర్వాత సోను కుమార్ బిష్ణోయ్, అనుజ్ థాపన్‌లను పంజాబ్‌లో అరెస్టు చేశారు. పోలీసులు నలుగురిపై కూడా ఎంసీఓసీఏ విధించారు. పోలీసులు అరెస్టు చేసిన తర్వాత అనూజ్ జైలులో ఉన్నాడు. అయితే అతను ఇటీవల ఆత్మహత్య చేసుకున్నాడు. నిందితుడు అనుజ్ థాపన్ టాయిలెట్‌లో బెడ్‌షీట్ ముక్కతో ఆత్మహత్య చేసుకున్నాడు. నిందితుడిని ఆసుపత్రికి తరలించగా చికిత్స పొందుతూ మృతి చెందాడు.
