Rajasab: Rajasab.. is this very special?
Rajasab: పాన్ ఇండియా స్టార్ ప్రభాస్ ప్రస్తుతం వరుస సినిమాలు చేస్తూ ఫుల్ బిజీగా వున్నాడు . గత ఏడాది సలార్ సినిమాతో బిగ్గెస్ట్ హిట్ అందుకున్న ప్రభాస్.. త్వరలోనే ‘కల్కి 2898 ఏడి’ సినిమాతో ప్రేక్షకుల ముందుకు వచ్చేందుకు రెడీ అవుతున్నాడు. ప్రస్తుతం రాజాసాబ్ షూటింగ్‌తో బిజీగా ఉన్నాడు డార్లింగ్. మారుతి ఈ సినిమాను.. ఫ్యాన్స్‌కు ఫుల్ మీల్స్ పెట్టేలా తెరకెక్కిస్తున్నాడు. వింటేజ్ డార్లింగ్‌ను చూపిస్తానని చెబుతున్నాడు. ఇప్పటికే రిలీజ్ చేసిన ఫస్ట్ లుక్‌ పోస్టర్‌లో మస్త్ ఉన్నాడు ప్రభాస్.
ఇది కూడా చూడండి: Wearable AC: మెడపై ఈజీగా ధరించి.. ఎక్కడికైనా తీసుకెళ్లగలిగే చిన్న పాకెట్ ఏసీ!
అందుకే.. మొదట్లో మారుతితో సినిమా వద్దని చెప్పిన రెబల్ ఫ్యాన్స్‌.. ఇప్పుడు రాజాసాబ్ కోసం ఈగర్‌గా వెయిట్ చేస్తున్నారు. ఇక ఈ సినిమాలో ప్రభాస్ ముగ్గురు హీరోయిన్లతో రొమాన్స్ చేస్తున్నాడు. మాళవిక మోహనన్‌, నిధి అగర్వాల్‌, రిద్ది కుమార్‌ హీరోయిన్లుగా నటిస్తున్నారు. అయితే.. ఈ ముగ్గురితో కలిపి ఓ స్పెషల్ సాంగ్ ప్లాన్ చేస్తున్నారట మేకర్స్. ఈ పాటలో ముగ్గురితో కలిసి అదిరిపోయే స్టెప్పులేయనున్నాడట ప్రభాస్. మంచి డాన్స్‌ మూమెంట్స్‌తో ఈ పాట ఉండనుందని సమాచారం.
ఇది కూడా చూడండి: Pushpa 2: జాతర కాదు.. ‘పుష్ప 2’లో ఇదే హైలెట్?
అలాగే.. గ్లామర్ ట్రీట్ కూడా మామూలుగా ఉండదని అంటున్నారు. సినిమాకే ఈ సాంగ్ హైలెట్‌గా నిలుస్తుందని అంటున్నారు. త్వరలోనే ఈ మాస్ నెంబర్‌ని షూట్ చేయనున్నారట. ఈ సినిమాకు తమన్ మ్యూజిక్ అందిస్తున్నాడు. ఛాన్స్ దొరకాలే గానీ.. మాస్ బీట్స్‌ను అదిరిపోయేలా కొడతాడు తమన్. అలాంటిది వింటేజ్ డార్లింగ్ అంటే.. ఆ రచ్చ మామూలుగా ఉండదనే చెప్పాలి. మరి రాజాసాబ్ ఏం చేస్తాడో చూడాలి.
