Gmail’s Summarize This Email Feature : ప్రస్తుత తరం యువత అనే కాకుండా పెద్ద వారు కూడా దాదాపుగా జీ మెయిల్‌ని ఉపయోగిస్తున్నారు. అధికారిక ఈ మెయిళ్లతోపాటు, పర్సనల్‌ ఈ మెయిళ్లను దీని ద్వారా పొందుతున్నారు. ఎక్కువ మంది వాడే ఈ జీమెయిల్‌లో ఎప్పటికప్పుడు నయా ఫీచర్లు వస్తూనే ఉంటాయి. మరింత యూజర్‌ ఫ్రెండ్లీ ఎక్స్‌పీరియన్స్‌ కోసం గూగుల్ కంపెనీ అప్‌డేట్లపై ఎప్పటికప్పుడు ప్రత్యేకంగా దృష్టి సారిస్తూనే ఉంటుంది. ఈ నేపథ్యంలో వెబ్‌లో అందుబాటులో ఉన్న ‘మెయిల్ సమరైజ్‌’ ఫీచర్ త్వరలో ఆండ్రాయిడ్‌లో అందుబాటులోకి రానుంది.
చదవండి : కాంగ్రెస్‌పై యోగి ఆదిత్యనాథ్ విమర్శలు
మన జీమెయిల్‌కి(Gmail) కుప్పలు తెప్పలుగా మెయిల్స్ వస్తూ ఉంటాయి. కొన్నింటి నిడివి మరీ ఎక్కువగా ఉంటుంది. అలాంటి వాటిని ఈ కొత్త ఫీచర్ ద్వారా సమరైజ్‌ చేసుకోవచ్చు. పెద్ద మెయిల్‌ని చిన్నగా షార్ట్‌ చేసుకుని సారాంశాన్ని ఎంచక్కా చదివేసుకోవచ్చు. అందువల్ల మనకు సమయం ఆదా అవుతుంది. అంతంత పెద్ద మెయిళ్లను చదివే ఇబ్బంది లేకుండా ఉంటుంది.
చదవండి : బర్త్డే బాయ్ బన్నీ ఇంటి దగ్గర ఫ్యాన్స్ హంగామా
ఈ ఫీచర్ను జెమిని అనే చాట్బాట్ సాయంతో తయారు చేస్తోంది గూగుల్. ఇది ఇప్పటికే జీమెయిల్ వెబ్ వెర్షన్‌లో ఉంది. ఈ మెయిల్ థ్రెడ్స్లోని త్రీ డాట్స్ మెనూలో జెమిని యూజర్స్ కోసం ప్రత్యేకంగా ఎంపిక చేసిన ఈ ఫీచర్ కనిపిస్తుంది. అయితే ప్రస్తుతానికి ఇందులో ఎలాంటి సమ్మరైజ్డ్ కంటెంట్ను మనం చూడలేం.
ఆండ్రాయిడ్‌లోని జీమెయిల్ యాప్లో త్వరలో రానున్న ఈ ఏఐ ఆధారిత స్మార్ట్ ఫీచర్ను వాడటం వల్ల మీ సమయం ఆదా అవుతుంది. పెద్ద మెయిల్స్ను మీ సమయం మొత్తం వెచ్చించి చదవాల్సిన పనిలేదు. కేవలం సమ్మరైజ్ చేసిన ముఖ్యమైన పాయింట్లు చదువుకుంటే సరిపోతుంది.
