Earth hour: ఆ రోజు ఒక గంట లైట్లు ఆఫ్ చేయాలి.. ఏంటీ దీని ప్రత్యేకత

Earth hour..lights should be switched off for one hour on that day..what is special about it

Earth hour: ప్రపంచవ్యాప్తంగా సంవత్సరానికి ఒక రోజున ఎర్త్ అవర్(Earth hour) అని పాటిస్తున్నారు. వాతావరణ మార్పులపై ప్రజల్లో అవగాహన పెంచేందుకే ఈ రోజును జరుపుకొంటున్నారు. ఈ ఏడాది మార్చి 23న రాత్రి 8.30 నుంచి 9.30 వరకు గంటపాటు నిర్వహిస్తున్నారు. దీనిలో భాగంగా ఆ సమయంలో ఒక గంటపాటు అవసరం లేని లైట్లు ఆఫ్ చేయాలి. ఆస్ట్రేలియాలోని సిడ్నీలో 2007లో ఎర్త్ అవర్ అనే కాన్సెప్ట్ పుట్టింది. దీనిని వరల్డ్ వైడ్ ఫండ్ ఫర్ నేచర్ (డబ్ల్యూడబ్ల్యూఎఫ్) ప్రారంభించింది. వాతావరణ మార్పులపై ప్రజల్లో అవగాహన కల్పించేందుకు ఒక గంట పాటు లైట్లు ఆఫ్ చేయాలని చెప్పింది. అప్పటి నుంచి దీన్ని కొనసాగిస్తున్నారు. దీన్ని అందరూ స్వాగతించారు. 190 దేశాలకు పైగా ఈ కార్యక్రమంలో పాల్గొనడం విశేషం.

చదవండి:Game Changer: గేమ్ ఛాంజర్ ఓటీటీ రైట్స్ ఎవరికి దక్కాయంటే..?

ఎర్త్ అవర్‌(Earth hour)లో భాగంగా ఒక గంట పాటు విద్యుత్ వినియోగం తగ్గుతుంది. దాని వల్ల భూమిపై వాతావరణ మార్పులలో తెడాలు గమనించవచ్చు. అంతే కాకుండా ప్రపంచం అంతా ఒక పనిని చేసినట్లు స్పూర్తిగా ఉంటుంది. ఎర్త్ అవర్‌లో పాల్గొనాలంటే 23న రాత్రి 8.30 నుంచి గంటపాటు అంటే 9.30 వరకు అవసరం లేని లైట్లు, విద్యుత్ ఉపకరణాలను ఆఫ్ చేయాలి. ఆ సమయంలో బయటకు వచ్చి ఆకాశంలో చుక్కలను చూడండి. మన ఫ్యామిలితో గంటసేపు మాట్లాడండి. క్యాండిల్ లైట్ డిన్నర్ చేయండి. అలా సంవత్సరంలో ఒక రోజును గుర్తుగా మలుచుకోండి.

చదవండి:RC16: అట్టహాసంగా ఆర్సీ16 పూజా కార్యక్రమం