Telugu doctor Ujwala Died in Australia : ఆస్ట్రేలియాలో ప్రమాదవశాత్తూ ప్రాణాలు వదిలిన డాక్టర్‌ ఉజ్వల మృతదేహం వారం రోజుల తర్వాత స్వస్థలానికి చేరుకుంది. కృష్ణా జిల్లా గన్నవరం వారి స్వస్థలం. అంత్యక్రియల నిమిత్తం ఎలుకపాడులో ఉన్న ఆమె తాతగారింటికి మృత దేహాన్ని తీసుకొచ్చారు. ఈనెల రెండో తేదీన తోటి స్నేహితులతో కలిసి ఆమె సరదాగా ట్రక్కింగ్‌కి వెళ్లారు. ఆ సమయంలో ప్రమాదవశాత్తూ కాలు జారి లోయలోకి పడిపోయి ప్రాణాలు వదిలారు.
చదవండి : నా భర్తలో ఆ క్వాలిటీయే నన్ను ఆకర్షించింది : రకుల్‌
సరదాగా ట్రక్కింగ్‌కి వెళ్లిన ఉజ్వల(Ujwala) మృత దేహమై తిరిగి రావడంతో ఆమె తల్లిదండ్రులు, బంధువులు శోక సముద్రంలో మునిగిపోయారు. ఆమె తల్లిదండ్రులు వేమూరు మైథిలి, వెంకటేశ్వరరావులు కూడా కొన్ని సంవత్సరాలుగా ఆస్ట్రేలియాలోనే ఉంటున్నారు. ఇప్పుడు అంత్య క్రియల నిమిత్తం ఉజ్వల భౌతిక కాయాన్ని ఉంగుటూరు మండలం ఎలుకపాడులోని తాతయ్య ఇంటికి తీసుకొచ్చినట్లు కుటుంబ సభ్యులు తెలిపారు.
చదవండి : 700 వికెట్ల క్లబ్‌లో అండర్సన్‌
ఉజ్వలకు చిన్నప్పటి నుంచి డాక్టర్‌ అవ్వాలని కల. అనుకున్నట్లుగానే ఆస్ట్రేలియాలోని గోల్డ్‌ కోస్ట్‌లోఉన్న బాండ్‌ విశ్వవిద్యాలయంలో ఎంబీబీఎస్‌ పూర్తి చేశారు. ప్రస్తుతం ఆమె రాయల్‌ బ్రిస్బేన్‌ ఉమెన్స్‌ ఆసుపత్రిలో వైద్యురాలిగా విధులు నిర్వర్తిస్తున్నారు. ఉన్నత చదువులూ చదువుతున్నారు.
