Train : కథువా, పఠాన్‌కోట్ మధ్య 84 కిలోమీటర్ల కంటే ఎక్కువ దూరం కాంక్రీట్‌తో లోడ్ చేయబడిన 53 కంటైనర్‌లతో కూడిన గూడ్స్ రైలు పైలట్ లేకుండా నడిచింది. ఈ ఘటనపై సమాచారం అందుకున్న రైల్వేశాఖ ఒక్కసారిగా ఉలిక్కిపడింది. ఈ సమయంలో రైలు వేగం గంటకు 100 కిలోమీటర్లు. పైలట్ టీ తాగేందుకు దిగాడని, ఇంజన్ స్విచ్ ఆఫ్ చేయడం మర్చిపోయాడని ప్రాథమిక విచారణలో తేలింది. పంజాబ్‌లోని ముకేరియన్‌లోని ఉండి బస్సీ ప్రాంతంలో రైలును నిలిపివేశారు. ప్రస్తుతం ఈ సమయంలో ఎలాంటి ప్రమాదం జరగకపోవడంతో అంతా ఊపిరి పీల్చుకున్నారు. ఈ ఘటనపై రైల్వే శాఖ కఠిన చర్యలు తీసుకుని విచారణ ప్రారంభించింది. ఈ ఘటనకు సంబంధించిన వీడియో కూడా సోషల్ మీడియాలో హల్‌చల్‌ చేసింది.
చదవండి:K Srinivas Reddy : మీడియా అకాడమీ ఛైర్మన్ గా కె.శ్రీనివాస్ రెడ్డి నియామకం
India is not for beginners 😭😭😭
Goods Train Runs Without Loco Pilot From Kathua Towards Pathankot, Stopped Near Punjab’s Mukerian. pic.twitter.com/MS6HFsjNyk
— Gems of Engineering (@gemsofbabus_) February 25, 2024
జమ్మూ రైల్వే స్టేషన్ డైరెక్టర్, డివిజనల్ ట్రాఫిక్ మేనేజర్ ప్రతీక్ శ్రీవాస్తవ మాట్లాడుతూ ముకేరియన్‌లోని ఉండి బస్సీ వద్ద గూడ్స్ రైలును ఆపడానికి రైల్వే తన సిబ్బంది అందరినీ అప్రమత్తం చేయాలని అన్నారు. ఘటన ఎలా జరిగిందో తెలుసుకునేందుకు కథువా స్టేషన్‌కు చేరుకున్న శ్రీవాస్తవ.. దోషిగా తేలితే లోకో పైలట్‌పై కఠిన చర్యలు తీసుకుంటామని చెప్పారు. భవిష్యత్తులో అలా జరగకూడదని.. లోకో పైలట్ లేకుండా గూడ్స్ రైలు నడిపినట్లు ప్రాథమిక విచారణలో తేలిందని ఆయన అన్నారు. పఠాన్‌కోట్ వైపు వాలు కారణంగా రైలు తనంతట తానుగా క్రమంగా గంటకు 100 కి.మీ వేగంతో కదలడం ప్రారంభించింది. అయితే రైలును ఆపేందుకు రైల్వే శాఖ అన్ని విధాలా ప్రయత్నించిందని డీటీఎం తెలిపారు.
చదవండి:Viral News: హృదయాన్ని కదిలిస్తున్న వీడియో.. రోదిస్తున్న కోలా ఎలుగుబంటి వైరల్
లోకో పైలట్ టీ తాగేందుకు కథువా స్టేషన్‌లో ఆగి హ్యాండ్‌బ్రేక్‌ లాగడం మర్చిపోయినట్లు తెలిసింది. ఈ ఘటన ఉదయం 7.10 గంటల ప్రాంతంలో జరిగింది. డ్రైవర్ టీ కోసం ఆపివేసినప్పుడు ఇంజన్ రన్ అవుతున్నట్లు సమాచారం. గూడ్స్ రైలు అతివేగంతో రైల్వే స్టేషన్‌ను దాటుతున్న వీడియో కూడా సోషల్ సైట్‌లలో వైరల్‌గా మారింది.
