Congress :18వ లోక్‌సభ తొలి సెషన్‌లో ఎమర్జెన్సీ గురించి లోక్‌సభ స్పీకర్ ఓం బిర్లా ప్రస్తావించడం, దానిని చీకటి రోజుగా పేర్కొనడం కాంగ్రెస్‌కు నచ్చలేదు. లోక్‌సభ స్పీకర్ చేసిన ఎమర్జెన్సీ ప్రస్తావన పార్లమెంటరీ సంప్రదాయాలను అపహాస్యం చేయడమేనని కాంగ్రెస్ పార్టీ అధికారికంగా అభ్యంతరం వ్యక్తం చేసింది. బుధవారం లోక్‌సభ స్పీకర్ ఓం బిర్లా రెండో దఫా ఎన్నికయ్యారు. అయితే తన ప్రసంగంలో ఎమర్జెన్సీని భారతదేశ చరిత్రలో బ్లాక్ డే అని కూడా పేర్కొన్నాడు. ఈ సందర్భంగా లోక్‌సభలో రెండు నిమిషాలు మౌనం పాటించారు.
చదవండి: Viral Video: నెట్టింట వైరల్ అవుతున్న అనంత్ అంబానీ వెడ్డింగ్ కార్డ్!
గురువారం స్పీకర్ ఓం బిర్లా అధికారికంగా రాహుల్ గాంధీని ప్రతిపక్ష నాయకుడిగా నియమించిన తర్వాత, రాహుల్ గాంధీ , ప్రతిపక్ష నాయకుల బృందం స్పీకర్ బిర్లాను కలిశాయి. కొంతకాలం తర్వాత వేణుగోపాల్ బిర్లాకు ఒక లేఖ రాశారు. అందులో అతను ఇలా అన్నాడు, “పార్లమెంటు సంస్థ విశ్వసనీయతను ప్రభావితం చేసే చాలా తీవ్రమైన అంశం నేపథ్యంలో నేను ఈ లేఖ రాస్తున్నాను. రేపు అంటే జూన్ 26, 2024 న స్పీకర్ లోక్‌సభ, మీరు ఎన్నికైనందుకు అభినందనలు తెలిపే సమయంలో సభలో సాధారణ సామరస్యం ఏర్పడింది. అయితే అర్ధ శతాబ్దం క్రితం ఎమర్జెన్సీ ప్రకటనకు సంబంధించి మీరు చేసిన ప్రసంగం చాలా దిగ్భ్రాంతి కలిగించింది. పార్లమెంటు చరిత్రలో ఛైర్మన్ చేసిన ఇటువంటి రాజకీయ ప్రస్తావన విచారణ కలిగించింది. కొత్తగా ఎన్నికైన స్పీకర్ అటువంటి సూచన, ప్రసంగం చేయడం తీవ్రమైనది. జాతీయ కాంగ్రెస్ తరపున, నా అభిప్రాయాన్ని వ్యక్తం చేస్తున్నాను. పార్లమెంటరీ సంప్రదాయాలను అపహాస్యం చేయడంపై తీవ్ర ఆందోళన చెందుతున్నాను ”
చదవండి: ENGvsIND: ఫైనల్‌కు సౌత్ ఆఫ్రికా.. ఇంగ్లాడ్ వర్సెస్ ఇండియా ఉత్కంఠపోరు
రాష్ట్రపతి ప్రసంగంపై అసంతృప్తి
రాష్ట్రపతి ప్రసంగంపై కాంగ్రెస్ కూడా అసంతృప్తిగా ఉన్నట్లు తెలుస్తోంది. ఇలాంటి రాజకీయ అంశాలను రాష్ట్రపతి ప్రసంగంలో ఏ ప్రభుత్వమూ పెట్టదని కాంగ్రెస్ అధ్యక్షుడు మల్లికార్జున్ ఖర్గే ట్విట్టర్‌లో పేర్కొన్నారు.
