కష్టాల్లో ఉన్నవారికి లాటరీ దొరికితే ఆ ఆనందమే వేరు. ఆ డబ్బుతో తమ కష్టాలన్నీ తీరిపోయాయని హ్యాపీగా ఫీలౌతారు. ఇక నుంచి ఆ డబ్బుతో తమ కుటుంబం మొత్తం హ్యాపీగా జీవించాలని అనుకుంటారు. అయితే… ఓ మహిళ మాత్రం లాటరీ గెలవగానే.. భర్తను వదిలేసి మరో వ్యక్తిని పెళ్లాడింది. ఈ సంఘటన థాయిలాండ్ లో చోటుచేసుకోగా… ఈ ఘటనకు సంబంధించిన పూర్తి వివరాలు ఇలా ఉన్నాయి.
నారిన్ అనే వ్యక్తికి చవీవాన్ అనే మహిళతో 20 ఏళ్ల కిందట వివాహమైంది. ఆ దంపతులకు ముగ్గురు కుమార్తెలు ఉన్నారు. కుటుంబానికి అప్పులు ఉండటంతో.. సంపాదన కోసం భార్యాభర్తలు 2014లో దక్షిణ కొరియాకు వెళ్లారు. అయితే, కుమార్తెలు ఒంటరిగా ఉండటం వల్ల వారిని చూసుకోడానికి కొన్నేళ్ల తర్వాత భార్య థాయ్‌లాండ్‌‌కు తిరిగి వచ్చేసింది. అప్పటి నుంచి నారిన్ నెలకు రూ.70 వేలకుపైగా ఇంటికి పంపుతూ ఉన్నాడు. అయితే, గత నెల చవీవాన్‌కు రూ.2.9 కోట్ల లాటరీ గెలుచుకుంది.. అయితే ఆ విషయాన్ని మాత్రం భర్తకు చెప్పలేదు.
ఎవరికీ చెప్పకుండా మరో వ్యక్తిని పెళ్లి చేసేసుకుంది. ఈ విషయం తెలియని నారీన్ భార్య ఫోన్ కలవడం లేదని కంగారుపడ్డాడు. వెంటనే విషయం తెలుసుకునేందుకు థాయిలాండ్ వచ్చిన అతను… అసలు విషయం తెలిసి షాకయ్యాడు. వెంటనే పోలీసులకు ఫిర్యాదు చేశాడు. ఈ ఘటనపై పోలీసుల దర్యాప్తుకొనసాగుతోంది.
