అమెరికా(America)లో ప్లోరిడాలో వింత జరిగింది. అరుదైన చర్మ సమస్యతో పిల్లాడు జన్మించాడు. వీపు భాగంలో 75 శాతం తాబేలు (turtle)షెల్‌తో కప్పబడి ఉన్నట్టు చర్మం ఉంది. బిడ్డ కడుపులో ఉన్నప్పుడు స్కాన్‌లో ఇలాంటిదేమీ కనుగొనబడలేదు. కానీ పుట్టినపుడు మాత్రం వైద్యులు, సిబ్బందితో పాటు తల్లిదండ్రులు కూడా బాలుడి విచిత్రమైన రూపాన్ని చూసి ఆశ్చర్యపోయారు. తల్లి తన బిడ్డ వీపుపై ఉన్న వింత గుర్తును చూసి మొదటగా పుట్టుమచ్చ (birthmark) గా భావించింది. పరీక్ష రిపోర్టు రాగానే ఆ చిన్నారికి అరుదైన వ్యాధి ఉందని, దాని వల్లే వెన్నుపై చర్మం అలా ఉందని తేలింది. ఆ తర్వాత వైద్యుల సలహా మేరకు వారు 2022 సంవత్సరంలోనే శస్త్రచికిత్స (surgery) ద్వారా పిల్లాడి వెనుక భాగంలో పెరుగుతున్న కణితిని తొలగించారు.
చదవండి : Bhupesh Baghel: శవపేటిక మోసిన సీఎం భూపేశ్‌ బఘేల్‌
ఇంకా శస్త్రచికిత్స చేయాల్సి ఉందని, ఆ తర్వాత బిడ్డ మరింత మెరుగవుతాడని డాక్టర్లు (Doctors) వెల్లడించారు. పుట్టుకతోనే ఈ చిన్నారికి సమస్య ఉండడంతో అతను వెనుకభాగాన్ని నేలకు ఆన్చి నిద్రపోలేడు.. కానీ శస్త్రచికిత్స తర్వాత అతను పడుకోవచ్చని డాక్టరులు తెలిపారు. చాలా మంది పిల్లలు పుట్టిన సమయంలో సాధారణ బరువు కంటే తక్కువ లేదా ఎక్కువగా ఉండడం చూస్తూనే ఉంటాం. కొందరి పిల్లల శరీరంపై దట్టమైన వెంట్రుకలు ఉండవచ్చు లేదా మరికొందరు తోకతో పుట్టవచ్చు. కానీ ఇప్పుడు మనం మాట్లాడుకుంటున్న పిల్లవాడు మాత్రం చాలా విచిత్రంగా పుట్టాడు. పిల్లవాడి వెనుక భాగాన తాబేలు వంటి షెల్ ఉంది. దీంతో ఆ చిన్నారి తల్లిదండ్రులు (parents) ఏం చేయాలో తెలియక తలలు పట్టుకున్నారు.
చదవండి : Uppal Skywalk : మే మొదటి వారంలో ఉప్ప‌ల్ స్కైవాక్ ప్రారంభం
