కర్ణాటక అసెంబ్లీ ఎన్నికల(Karnataka Elections)కు మరో నాలుగు రోజులే ఉంది. సమయం దగ్గర పడుతుండటంతో ప్రధాన పార్టీ నేతలంతా ప్రచారం చేస్తున్నారు. ఓటర్లను ఆకర్షించేందుకు, తమవైపు తిప్పుకునే ప్రయత్నాలు చేస్తున్నారు. శనివారం ప్రధాన మంత్రి నరేంద్ర మోదీ(PM Modi) కూడా కర్ణాటకలో రోడ్ షో(Road Show) నిర్వహించారు. సుమారు 36 కిలో మీటర్ల మేర రోడ్ షో చేపట్టారు. ఈ సందర్భంగా ప్రధాని రోడ్ షో(Road Show) కు విశేష స్పందన లభించిందని తెలిపారు.
ప్రధాని మోదీ షేర్ చేసిన వీడియో:
Here is why today was so special in Bengaluru… pic.twitter.com/PMb5LPBOJl
— Narendra Modi (@narendramodi) May 6, 2023
రహదారుల పొడవునా మోదీ(PM Modi)కి పూల మాలలతో కర్ణాటక ప్రజలు స్వాగతం పలికారు. బీజేపీ జెండాలు, కాషాయ జెండాలు, జై హనుమాన్, జై భజరంగిబలి జెండాలు రోడ్ షో (Road Show) వద్ద రెపరెపలాడాయి. ఊహించిన దానికంటే ఎక్కువ మద్ధతు రావడంతో బెంగుళూరులో బీజేపీ నాయకులు సంతోషం వ్యక్తం చేశారు. హవేరీ జిల్లాలో అయితే అక్కడి ప్రజలు మోదీకి ప్రత్యేకంగా ఏలకులతో చేసిన మాల, కిరీటం బహూకరించి అభిమానాన్ని చాటుకున్నారు.
చదవండి: Currency Notes : కాల్వలో గుట్టలుగా కరెన్సీ కట్టలు.. దొరికినోళ్లకు దొరికినంత
కర్ణాటక ప్రజలు తనపై చూపిన ప్రేమకు, ఆదరాభిమానాలకు ప్రధాని మోదీ(PM Modi) ఆనందం వ్యక్తం చేశారు. ట్విట్టర్ వేదికగా ఓ స్పెషల్ వీడియోను కూడా మోదీ షేర్ చేశారు. ప్రధాని మోదీని చూసేందుకు చిన్నారులు, నగర ప్రజలు తరలివచ్చారు. సుమారు 40 టన్నుల పూలను రోడ్ షో(Road Show) లో వినియోగించారు. ప్రస్తుతం మోదీ షేర్ చేసిన వీడియో సోషల్ మీడియాలో వైరల్(Video viral) అవుతోంది.
