Technical Fault In CM KCR's Helicopter
CM KCR: వరస బహిరంగ సభలతో బిజీగా ఉంటున్నారు సీఎం కేసీఆర్ (CM KCR). రోజు 2 లేదంటే 3 సభల్లో ప్రసంగిస్తున్నారు. దేవరకద్రలో జరిగే ప్రజా ఆశీర్వాద సభలో పాల్గొనేందుకు హెలికాప్టర్‌లో బయల్దేరిన కాసేపటికే సాంకేతిక సమస్య తలెత్తింది. దీంతో వెంటనే ఫామ్ హౌస్‌లోనే హెలికాప్టర్ ల్యాండ్ చేశారు. టేకాఫ్ అయిన వెంటనే సాంకేతిక సమస్య రావడంతో తిరిగి ఎర్రవెల్లిలో సేఫ్ ల్యాండ్ చేశారు. సాంకేతిక సమస్యకు సంబంధించి ఏవియేషన్ అధికారులతో సీఎంవో అధికారులు సంప్రదింపులు జరిపారు. మరో హెలికాప్టర్ ఏర్పాటు చేస్తారని తెలిసింది. అందులో ఉమ్మడి మహబూబ్ నగర్ జిల్లాలో జరిగే 4 బహిరంగ సభలకు హాజరవుతారు. సమస్య తలెత్తిన హెలికాప్టర్‌‌‌ను ఏవియేషన్ అధికారులు తనిఖీ చేస్తారు. సమస్య ఏంటో కనుక్కుంటారు. అంతా ఓకే అయితే ఫర్లేదు.. లేదంటే రేపటినుంచి మరో హెలికాప్టర్ ఇస్తారు. ప్రచారం కోసం సీఎం ఉపయోగించే చాపర్‌ను తనిఖీ చేసిన తర్వాత పంపిస్తారు.
