Rahul Gandhi: ఎన్నికలు సమయం దగ్గర పడుతున్న వేళ అధికారులు తనిఖీలు ముమ్మరం చేస్తున్నారు. అందులోనూ రాష్ట్రాల సరిహద్దుల్లో అయితే ప్రతి వాహనాన్ని చెక్ చేస్తున్నారు. ఈక్రమంలో తాజాగా కాంగ్రెస్ అగ్రనేత రాహుల్ గాంధీ హెలికాప్టర్‌ను తనిఖీ చేశారు. తమిళనాడులోని నీలగిరి పార్లమెంటరీ స్థానం నుంచి పోటీ చేస్తున్న డీఎంకే అభ్యర్థి ఎ.రాజాకు మద్దతుగా రాహుల్ గాంధీ సోమవారం ఎన్నికల ప్రచారంలో పాల్గొన్నారు.
ఇది కూడా చూడండి: Tamil Nadu: కాంచీపురంలో భారీగా బంగారం స్వాధీనం
ఈ క్రమంలో ఆయన హెలికాప్టర్ ద్వారా ఈ రోజు ఉదయం నీలగిరి చేరుకున్నారు. ఆ సమయంలో ఎన్నికల ఫ్లయిండ్ స్క్వాడ్ అధికారులు విమానాన్ని తనిఖీ చేశారు. దాదాపు 10 నిమిషాల పాటు ఈ సోదాలు జరిగాయి. అయితే ఇందులో ఎలాంటి నగదు, వస్తువులు లభించలేదని అధికారులు తెలిపారు. ప్రచారం ముగిసిన తర్వాత రాహుల్ వయనాడ్ వెళ్లారు. ఈ నియోజకవర్గం నుంచి రాహుల్ రెండోసారి పోటీ చేస్తున్నారు.
