తెలంగాణ (Telanagna) బీజేపీ చీఫ్ బండి సంజయ్ (Bandi Sanjay)పై మంత్రి కేటీఆర్ తీవ్ర స్థాయిలో విరుచుకుపడ్డారు. ఓ రాష్ట్ర ముఖ్యమంత్రిని పట్టుకుని బ్రోకర్ అని మాట్లాడుతున్నాడు. నేను కూడా అనలేనా? నీ ప్రధానమంత్రి మోదీ (PM MODI).. అదానీకి బ్రోకర్ అని నేను అనలేనా? కానీ అలా నేను అనను. మాకు సంస్కారం ఉంది. దేశమంతా అంటుంది. కానీ నేను అననను. బ్రోకర్, లోఫర్, లుచ్చా.. ఇలాంటి మాటలను అనడం మాకు రాదా? మాకు చేతగాదా? అని కేటీఆర్ నిప్పులు చెరిగారు. తెలంగాణలో అధికార బీఆర్ఎస్, బీజేపీ మధ్య మాటల యుద్ధం తారస్థాయికి చేరింది. బీఆర్ఎస్, బీజేపీ నేతలు ఒకరిపై మరొకరు తీవ్ర విమర్శలు చేసుకుంటున్నారు. సై అంటే సై అంటూ కయ్యానికి కాలు దువ్వుతున్నారు. ఈ క్రమంలో ముఖ్యమంత్రి కేసీఆర్ ను ఉద్దేశించి బీజేపీ నేతలు వాడిన కొన్ని పదాలను మంత్రి కేటీఆర్ (Minister KTR) తప్పుపట్టారు.
చదవండి : విజయవాడలో గవర్నర్‌ అబ్దుల్ నజీర్‌ను కలిసిన సీఎం జగన్‌
తీవ్ర స్థాయిలో ఎదురుదాడికి దిగారు. బండి సంజయ్ టార్గెట్ గా నిప్పులు చెరిగారు. రాజన్న సిరిసిల్ల జిల్లా (Rajanna Sirisilla District) కేంద్రంలో బీఆర్ఎస్ (BRS) ఆత్మీయ సమ్మేళనానికి మంత్రి కేటీఆర్ ముఖ్య అతిథిగా హాజరయ్యారు. ఈ సందర్భంగా బీజేపీ (BJP) నేతలపై ఆయన ధ్వజమెత్తారు.”తెలంగాణ పుట్టుకను అవమానించింది మోదీ కాదా? తెలంగాణను శత్రు దేశంగా చూస్తున్నారు. బీఆర్ఎస్ ఎమ్మెల్యేలను కొనేందుకు వచ్చిన బీఎల్ సంతోష్ (BL Santosh) బ్రోకర్ కాదా? గుజరాత్ నేతల చెప్పులు మోసిన వ్యక్తి బండి సంజయ్. బండి సంజయ్ ఈ రాష్ట్రంలో పుట్టడం దురదృష్టకరం. తెలంగాణకు కేంద్రం ఒక్క మెడికల్ కాలేజీ కూడా ఇవ్వలేదు.
చదవండి : గుడ్‌న్యూస్ చెప్పిన టీటీడీ..ఏప్రిల్ నుంచి దివ్యదర్శన టోకెన్లు
లాభాలు అదానీకి, చందాలు బీజేపీకి, కష్టం మనకా?. దొంగ డబ్బుతో ప్రభుత్వాలు కూలుస్తున్నారు. బీజేపీ ఒక్కటే ఉండాలి, అన్ని పార్టీలను చంపాలన్నదే మోదీ ఆలోచన. కరీంనగర్ కు ఏం చేశారో చెప్పాలని బండి సంజయ్ ను నిలదీయాలి. బీజేపీ ఎంపీ అరవింద్ (MP Arvind) ది ఫేక్ డిగ్రీ. టీఎస్పీఎస్ సీ (TSPSC) క్వశ్చన్ పేపర్ లీక్ వెనుక మేము ఉన్నామన్న ఆరోపణలు అవాస్తవం. గ్రూప్-1 పరీక్షలో జగిత్యాల జిల్లా నుంచి ఒక్కరే క్వాలిఫై అయ్యారు. ఒక్కో అభ్యర్థికి లక్ష రూపాయలు ఇవ్వాలన్న బండి సంజయ్ వ్యాఖ్యల్లో అర్థం ఉందా? గుజరాత్ లో (Gujarat) పేపర్ లీక్ అయితే.. సీఎం కానీ మంత్రి కానీ రాజీనామా చేశారా? అని కేటీఆర్ ప్రశ్నించారు. డబుల్‌ ఇంజన్‌ అంటే మోదీ అదానీ అంటూ వ్యంగాస్త్రాలు సంధించారు. ‘
చదవండి : ఏప్రిల్‌‌లో 15 రోజులు బ్యాంకులు మూత
రాజన్న సిరిసిల్ల జిల్లా బీఆర్ఎస్ పార్టీ ప్రతినిధుల ఆత్మీయ సమ్మేళనాల సన్నాహక సమావేశంలో పాల్గొని ప్రసంగించిన బీఆర్ఎస్ వర్కింగ్ ప్రెసిడెంట్, మంత్రి శ్రీ @KTRBRS https://t.co/oxVxVYsg5k pic.twitter.com/XdE1tmLyao
— BRS Party (@BRSparty) March 27, 2023
