రాబోయే ఎన్నికల్లో పోటీ చేయడానికి తాను సిద్ధంగా ఉన్నట్లు సినీ నటి, బీజేపీ నేత జీవితా రాజశేఖర్ క్లారిటీ ఇచ్చారు. ఇప్పటికే ఆమె బీజేపీలో చాలా చురుకుగా ప్రవర్తస్తున్నారు. ఆమధ్య మునుగోడు ఎన్నికల్లో బీజేపీ అభ్యర్థి గెలుపుకై నియోజకవర్గమంతటా కలియతిరిగి ప్రచారం చేసారు. కాగా… ప్రస్తుతం ఆమె ఎన్నికలో పోటీకి సై అంటున్నారు. బీజేపీ అధిష్టానం ఆదేశిస్తే రాష్ట్రంలో ఎక్కడి నుండైనా పోటీ చేస్తా అని ఆమె క్లారిటీ ఇచ్చారు.
ఈ సందర్బంగా ఆమె మాట్లాడుతూ.. తాను కర్మ సిద్ధాంతాన్ని నమ్ముతానని అన్నారు. కరోనా సమయంలో తన భర్త రాజశేఖర్ కు ప్రపంచవ్యాప్తంగా నలుమూలల నుంచి అభిమానులు ఇచ్చిన మద్దతును జీవితంలో మర్చిపోలేమని తెలిపారు. బతుకు జట్కా బండి కార్యక్రమం ద్వారా కొన్ని వేల కుటుంబాలను ఏకం చేసే అదృష్టం దక్కిందని చెప్పుకొచ్చారు. మంచి అవకాశం వస్తే భవిష్యత్తులో తప్పకుండా సినిమాల్లో నటిస్తానని స్పష్టం చేశారు. ఇక బీజేపీ పార్టీలోఉన్న మీరు రానున్న ఎన్నికల్లో పోటీ చేస్తారా అని విలేకరులు అడిగిన ప్రశ్నకి అధిష్టానం ఆదేశిస్తే రాష్ట్రంలో తాను ఎక్కడి నుంచైనా పోటీ చేస్తానని తెలిపారు.
