బీజేపీయేతర ప్రభుత్వాలు ఉన్న రాష్ట్రాల్లో ఇటీవల గవర్నర్ల తీరు వివాదాస్పదమవుతోంది. తెలంగాణ గవర్నర్ తమిళి సై కూడా ఇలాంటి పరిస్థితులే ఎదుర్కొంటున్నారు. తెలంగాణాలో గవర్నర్ వ్యవస్థ అవసరంలేదని కొందరు పార్టీ లీడర్లు అన్నా కూడా ఎన్నో ఆటుపోట్లమధ్య తమిళి సై తన బాధ్యతలను నిర్వర్తిస్తున్నారు. ఇక రిపబ్లిక్ డే రోజున గవర్నర్ మాట్లాడుతూ కొందరికి తనంటే ఇష్టం ఉండకపోవచ్చని, తెలంగాణ అభివృద్ధిలో ఖచ్చితంగా తన పాత్ర ఉంటుందని చెప్పారు. తాజాగా మరో మారు పేరుచెప్పకుండానే కొందరికి చురకలు అంటించారు.
కొందరు నా శరీర రంగును విమర్శిస్తున్నారు వారిపై గవర్నర్ తమిళిసై సౌందరరాజన్ తీవ్రస్థాయిలో విరుచుకుపడ్డారు. చెన్నైలోని తండయార్‌పేట బాలికల ప్రైవేటు పాఠశాల వార్షికోత్సవానికి గవర్నర్ ముఖ్య అతిథిగా హాజరై విద్యార్థులకు బహుమతులు పంపిణీ చేశారు. ఈ సందర్బంగా మాట్లాడుతూ నా శరీర రంగు గురించి కొందరు విమర్శలు చేస్తున్నారు. తన రంగు నలుపు, నుదురు బట్టతలలా ఉంటుందని కొందరు హేళన చేస్తున్నారని ఆగ్రహం వ్యక్తం చేశారు. మరోసారి ఇలాగె కామెంట్స్ చేస్తే అగ్గిలా మారతానని ఆగ్రహం వ్యక్తం చేసారు.
