Hyderabad : పదేళ్ల పాటు తెలంగాణలో అధికారంలో ఉన్న బీఆర్ఎస్ పార్టీకి ప్రస్తుతం కష్టకాలం నడుస్తోంది. ఇటీవల జరిగిన లోక్ సభ ఎన్నికల్లో ఖాతా కూడా తెరవని బీఆర్ఎస్ కు వరుస షాకులు తగులుతున్నాయి. ఒక్కొక్కరుగా బీఆర్ఎస్ సిట్టింగ్‌ ఎమ్మెల్యేలు పార్టీని వీడుతూ కాంగ్రెస్ పార్టీలోకి జంప్‌ అవుతున్నారు. మొన్నీ మధ్య ఏడుగురు ఎమ్మెల్యేలు, ఆరుగురు ఎమ్మెల్సీలు కాంగ్రెస్ చేరగా… తాజాగా మరో ఎమ్మెల్యే కాంగ్రెస్ గూటికి చేరేందుకు సిద్ధంగా ఉన్నట్లు తెలుస్తోంది. రేపు(శుక్రవారం) హస్తం గూటిలోకి ఆయన చేరనున్నారు.
చదవండి:Tamil Nadu: కరుణానిధిపై అసభ్యకరమైన వ్యాఖ్యలు.. యూట్యూబర్ అరెస్ట్
సీఎం రేవంత్ సమక్షంలో రాజేంద్రనగర్‌ బీఆర్ఎస్ ఎమ్మెల్యే ప్రకాశ్‌ గౌడ్‌ శుక్రవారం కాంగ్రెస్ పార్టీలో చేరుతున్నారు. ప్రకాశ్‌ గౌడ్‌తో పాటు మరో ఇద్దరు మున్సిపల్‌ చైర్మన్లు కూడా కాంగ్రెస్ కండువా కప్పుకోనున్నారు. ఇదిలా ఉండగా.. ఇటీవలి కాలంలో పలువురు బీఆర్ఎస్ ఎమ్మెల్యేల కాంగ్రెస్ పార్టీలో చేరిన విషయం తెలిసిందే. ఇక, ప్రకాశ్‌ గౌడ్‌ చేరికలో కాంగ్రెస్‌లోకి వెళ్లిన బీఆర్ఎస్ ఎమ్మెల్యేల సంఖ్య ఎనిమిదికి చేరుకుంది. మొన్న గద్వాల్ ఎమ్మెల్యే బండ్ల కృష్ణ మోహన్ రెడ్డి కాంగ్రెస్ పార్టీలో చేరారు. ఏఐసీసీ ఇంచార్జ్ దీపాదాస్ మున్షి, సీఎం రేవంత్ రెడ్డిల సమక్షంలో సమక్షంలో పార్టీలో చేరారు బండ్ల.
చదవండి:NEET 2024 : నీట్ కేసులో జార్ఖండ్‌లో ప్రధాన సూత్రధారి అరెస్ట్, 10 రోజుల రిమాండ్
