T20 Worldcup 2024 : పసి కూనగా టీ20 వరల్డ్‌ కప్‌లోకి అడుగు పెట్టిన అమెరికా అనూహ్యంగా సూపర్‌ 8లోకి(SUPER 8) దూసుకెళ్లింది. పాకిస్థాన్‌ గ్రూప్‌ దశలోనే సిరీస్‌ నుంచి నిష్క్రమించింది. గ్రూప్‌ ఏలో అమెరికా, ఐర్లాండ్‌ల మధ్య జరగాల్సిన మ్యాచ్‌ వర్షం కారణంగా రద్దైంది. దీంతో రెండు జట్లకు చెరో పాయింట్‌ వచ్చింది. అమెరికా(AMERICA) మొత్తం నాలుగు మ్యాచ్‌లు ఆడి ఐదు పాయింట్లు దక్కించుకుంది. తొలిసారిగా టీ20 వరల్డ్‌ కప్‌ సూపర్‌8లో స్థానం సంపాదించుకోగలిగింది.
చదవండి : కండిషన్లకు ఓకే అయితే యుద్ధం వెంటనే ఆపేస్తాం : పుతిన్‌
మరోవైపు పాకిస్థాన్‌(PAKISTHAN) జట్టు ఇప్పటి వరకు మూడు మ్యాచ్‌లు ఆడి ఒకటి మాత్రమే గెలిచింది. దీంతో ఆ జట్టుకు రెండు పాయింట్లు మాత్రమే వచ్చాయి. చివరిగా 16వ తేదీన ఐర్లాండ్‌తో తలపడుతుంది. ఈ మ్యాచ్‌లో పాక్‌ గెలిచినా నాలుగు పాయింట్లు మాత్రమే వస్తాయి. దీంతో ఇది పాక్‌కు నామ మాత్రపు మ్యాచ్‌గానే మిగలనుంది.
చదవండి : భారీగా పెరిగిన వెండి, బంగారం ధరలు
గ్రూప్‌ ఏలో ఉన్న టీం ఇండియా ఇప్పటికే ఆడిన మూడు మ్యాచ్‌ల్లోనూ గెలిచి సూపర్‌ 8లోకి ప్రవేశించింది. శనివారం కెనడా జట్టుతో తలపడుతుంది. ఇందులో గెలిచినా, ఓడినా టీం ఇండియాపై ఎలాంటి ప్రభావం ఉండదు. ఇండియా సూపర్‌8లోకి(SUPER 8) ఇప్పటికే ప్రవేశించింది కాబట్టి ఇది కూడా నామ మాత్రపు మ్యాచ్‌ అనే చెప్పవచ్చు. సూపర్‌8 మ్యాచ్‌లు సైతం ప్రారంభం కానున్నాయి. భారత్‌ ఈనెల 20న ఆఫ్ఘనిస్థాన్‌తో, 22న బంగ్లా లేద నెదర్లాండ్స్‌తో గాని, 24న ఆస్ట్రేలియాతో పోటీ పడుతుంది.
