IPL Mini Auction 2024: ఆస్ట్రేలియా ఫాస్ట్ బౌలర్ మిచెల్ స్టార్క్ ఐపీఎల్ చరిత్రలోనే అత్యంత ఖరీదైన ఆటగాడిగా నిలిచాడు. ఆ ఆటగాడిని కోల్‌కతా నైట్ రైడర్స్ జట్టు రూ.24 కోట్ల 75 లక్షలకు కొనుగోలు చేసింది. ఈ వేలం పాటలో స్టార్క్‌ను దక్కించుకునేందుకు చివరి వరకు గుజరాత్ టైటాన్స్ ప్రయత్నం చేసింది. కానీ చివరకు కోల్‌కతా నైట్ రైడర్స్ సొంతం చేసుకుంది. స్టార్క్ గత 8 సంవత్సరాలుగా ఐపీఎల్‌లో ఆడలేదు. కానీ 2023 వరల్డ్ కప్‌లో అద్భుతంగా బౌలింగ్ చేసి ఫైనల్‌లో జట్టు విజయం కోసం కీలక పాత్ర పోషించాడు.
ఇది కూడా చూడండి: Horoscope today: నేటి రాశిఫలాలు(December 20th 2023).. జాగ్రత్త తప్పనిసరి!
ప్రస్తుతం స్టార్క్ ఫామ్‌లో ఉన్నాడు. ఈ వేలంలో అతని పేరు రాగానే స్టార్క్‌ను సొంతం చేసుకోవడానికి ఢిల్లీ క్యాపిటల్స్, ముంబై ఇండియన్స్ పెద్ద మొత్తంలో వేలం వేసింది. ఇవి తప్పుకోవడంతో కోల్‌కతా నైట్ రైడర్స్, గుజరాత్ టైటాన్స్ హోరాహోరిగా పోటీపడ్డాయి. చివరికి కోల్‌కతా నైట్ రైడర్స్ సొంతం చేసుకుంది. కనీస ధర రూ. 2 కోట్లతో వేలంలోకి వచ్చిన ఈ ఆటగాడికి పది రెట్ల కంటే ఎక్కువ మొత్తం లభించింది.
ఇది కూడా చూడండి: Prashant Varma: నేను కూడా మహేష్ బాబు అభిమానినే.. క్లాష్ పై యంగ్ డైరెక్టర్ కామెంట్స్
స్టార్క్ కంటే ముందు ఆస్ట్రేలియా కెప్టెన్ ప్యాట్ కమ్మిన్స్ ఈ వేలంలో అత్యధిక ధర దక్కించుకున్న ఆటగాడిగా నిలిచాడు. ఈ వేలంలో కమ్మిన్స్‌ను రూ. 20.50 కోట్లకు సన్‌రైజర్స్ హైదరాబాద్ కొనుగోలు చేసింది. కనీస ధర రూ.2 కోట్లతో వేలంలోకి వచ్చిన కమ్మిన్స్ కోసం ఆర్సీబీ, ఎస్‌ఆర్‌హెచ్ తీవ్రంగా పోటీపడ్డాయి. చివరికి ఆర్సీబీ పోటీ నుంచి తప్పుకోవడంతో కమ్మిన్స్‌ను భారీ ధరకు ఎస్‌ఆర్‌హెచ్ సొంతం చేసుకుంది.
ఇది కూడా చూడండి: Devara: మళ్లీ మొదలైంది.. నెగటివ్ ట్రెండ్‌లో దేవర!
