ప్రపంచ వ్యాప్తంగా క్రికెట్ అభిమానులు భారత్, పాక్ మ్యాచ్(IND Vs PAK) కోసం ఎప్పుడెప్పుడా అని ఎదురుచూస్తుంటారు. 2020 టీ20 ప్రపంచ కప్ తర్వాత ఇప్పుడు ఈ దాయాది దేశాలు తలపడనున్నాయి. ఆసియా కప్‌లో భారత్, పాక్ జట్లు పోటీపడనున్నాయి. ఆగస్టు 30వ తేదీన ఈ టోర్నీ ప్రారంభం కానుంది. ఆసియా కప్‌లో మొత్తం 13 మ్యాచులు జరుగనున్నాయి. సెప్టెంబర్ 2న హైవోల్టేజ్‌ మ్యాచ్ అయిన భారత్ – పాక్ మ్యాచ్ జరగనుంది.
చదవండి: Breaking news : బంగ్లాదేశ్‌పై భారత్ మహిళల జట్టు ఘన విజయం
శ్రీలంకలోని క్యాండీ వేదికగా ఈ దాయాది దేశాలు తలపడనున్నాయి. అయితే, ఆసియా కప్‌కు సంబంధించి ఇంకా అధికారిక షెడ్యూల్ రావాల్సి ఉంది. ప్రస్తుతం డ్రాఫ్ట్ షెడ్యూల్‌ను పీసీబీ రెడీ చేసింది. ఆసియా కప్ ప్రారంభ మ్యాచ్ పాక్–నేపాల్‌ జట్ల మధ్య నిర్వహించనున్నారు. సెప్టెంబర్ 17వ తేదిన శ్రీలంక రాజధాని కొలంబోలో ఫైనల్ మ్యాచ్ జరగనున్నట్లు డ్రాఫ్ట్ షెడ్యూల్ లో ఉంది.
చదవండి: Anthima Panghal: రెజ్లర్ వినేశ్ ఎంపికపై అండర్ 20 రెజ్లర్ తీవ్ర అభ్యంతరం
ఆసియా కప్ డ్రాఫ్ట్ షెడ్యూల్‌లో భారత్, నేపాల్‌తో పాటు పాకిస్థాన్ గ్రూప్-ఏలో ఉంది. అలాగే శ్రీలంక, బంగ్లాదేశ్, ఆఫ్ఘనిస్తాన్ గ్రూప్-బీలో కొనసాగుతున్నాయి. ఒకే గ్రూప్‌లో భారత్ -పాక్(IND Vs PAK) సూపర్‌ ఫోర్‌ లోకి చేరినట్లైతే ఇంకోసారి సెప్టెంబర్ 10న క్యాండీ వేదికగా ఈ దాయాది దేశాలు తలపడే అవకాశం ఉంది. ఆసియా కప్ 50 ఓవర్ల ఫార్మాట్‌లో నిర్వహించనున్నారు. భారత కాలమానం ప్రకారంగా ఈ మ్యాచ్‌లు మధ్యాహ్నం 1.30 గంటలకు ప్రారంభం అవుతాయి.
