లెబనాన్ రాజధాని బీరుట్లో మరోసారి లక్షిత దాడులు చేపట్టినట్లు తాజాగా ఇజ్రాయెల్ వెల్లడించింది. అయితే ఈ దాడులకు సంబంధించి పూర్తి సమాచారాన్ని మాత్రం వెల్లడించలేదు. అంతకుముందు దక్షిణ లెబనాన్లోని హెజ్బొల్లా స్థావరాలపై భీకర దాడులు చేసిన విషయం తెలిసిందే. ఈ ఘటనలో 270 మందికిపైగా మృతి చెందారు. ఈ పరిణామాల దృష్ట్యా పశ్చిమాసియాలో తీవ్ర ఉద్రిక్త పరిస్థితులు నెలకొన్నాయి.