టీమిండియా మాజీ కెప్టెన్ విరాట్ కోహ్లీ(Virat Kohli) ఖాతాలో మరో రికార్డు వచ్చి చేరింది. తాజాగా కోహ్లీ మరో రికార్డు క్రియేట్ చేశాడు. టీ20 వరల్డ్ కప్ మ్యాచుల్లో అత్య‌ధిక పరుగులు సాధించిన క్రికెట‌ర్‌గా నిలిచాడు కొహ్లీ. శ్రీలంక బ్యాట‌ర్‌ మ‌హెళ జ‌య‌వ‌ర్ధ‌ణే పేరిట ఉన్న రికార్డును కోహ్లీ బ్రేక్ చేశాడు.
బంగ్లాతో ఆడిన మ్యాచ్ లో 16 ర‌న్స్ చేయ‌గానే.. వరల్డ్ కప్ లో అత్య‌ధిక పరుగులు చేసిన క్రికెట‌ర్‌గా కోహ్లీ స‌రికొత్త మైలురాయిని అందుకున్నాడు. టీ20 వ‌ర‌ల్డ్‌క‌ప్ మ్యాచుల్లో జ‌య‌వ‌ర్ధ‌ణే 1016 ర‌న్స్ చేశాడు. 31 ఇన్నింగ్స్ లో అత‌ను ఆ పరుగులు సాధించాడు. అయితే కోహ్లీ ఆ రికార్డును కేవ‌లం 25వ ఇన్నింగ్స్ లోనే దాటేశాడు. 2014, 2016 వరల్డ్ కప్ మ్యాచ్ లలో విరాట్ కీల‌క ఇన్నింగ్స్ ఆడాడు. 2014లో కోహ్లీనే లీడింగ్ ర‌న్ స్కోర‌ర్‌ గా నిలిచాడు. ఆ టోర్నీలో కోహ్లీ అత్య‌ధికంగా 319 ర‌న్స్ చేశాడు.
అయితే ఆ టోర్నీలో ఫైన‌ల్లో శ్రీలంక చేతిలో ఇండియా ఓడిపోయింది. 2016లో కోహ్లీ రెండ‌వ స్థానంలో నిలిచాడు. ఆ ఎడిష‌న్‌లో అత‌ను 273 ర‌న్స్ చేశాడు. కొత్త మైలురాయిని చేరుకున్న కోహ్లీకి బీసీసీఐ కంగ్రాట్స్ తెలుపుతూ ట్వీట్ చేయడం గమనార్హం.
ఇది కూడా చూడండి: అల్లు అరవింద్ మరో టాక్ షో.. అన్‌స్టాపబుల్‌కి మించి ఫన్!
