Passport: విదేశాలకు వెళ్లే వారికి శుభవార్త. త్వరలో ప్రజలకు చిప్‌తో కూడిన అధునాతన ఈ-పాస్పోర్ట్ అందుబాటులోకి రానుంది. భారత ప్రభుత్వం పాస్పోర్ట్ సేవా పథకం కింద వ్యక్తుల పాస్‌పోర్ట్‌లను అప్‌గ్రేడ్ చేయడానికి ప్రత్యేక కార్యక్రమం ప్రారంభించింది. దీని కింద ఇప్పుడు ప్రజలు 2 నెలల్లో ఇ-పాస్పోర్ట్ పొందవచ్చు. ఈ చిప్ పాస్‌పోర్ట్‌ల సాంకేతిక పరీక్షలన్నీ పూర్తయ్యాయి. ఆ తర్వాత నాసిక్‌లోని ఇండియన్ సెక్యూరిటీ ప్రెస్‌లో కూడా వాటి ముద్రణ ప్రారంభమైంది. మొదటి సంవత్సరంలో దాదాపు 70 లక్షల ఈ-పాస్‌పోర్ట్‌కు సంబంధించిన ఖాళీ బుక్‌లెట్లను ముద్రిస్తున్నారు. ప్రింటింగ్ ప్రెస్‌కు 4.5 కోట్ల చిప్ పాస్‌పోర్ట్‌లను ముద్రించడానికి ఆర్డర్ వచ్చింది. ఇందులో లభించే ప్రయోజనాలు ఏంటో తెలుసుకుందాం..
చదవండి :America: అనుమానాస్పదంగా అమెరికాలో ఎన్నారై కుటుంబం మృతి.. మృతదేహాలపై బుల్లెట్ గాయాలు
పాత పాస్‌పోర్ట్‌తో పోలిస్తే చిప్ పాస్‌పోర్ట్‌లో చాలా ముఖ్యమైన మార్పులు ఉంటాయి. ఇందులో ప్రజలు 41 అధునాతన ఫీచర్‌లను పొందుతారు. ఇది అంతర్జాతీయ పౌర విమానయాన సంస్థ ప్రమాణాలతో 140 దేశాలలో ఇమ్మిగ్రేషన్ ప్రక్రియను సులభతరం చేస్తుంది. అంటే, కొత్త పాస్పోర్ట్ విమానాశ్రయంలో మీ ఇమ్మిగ్రేషన్ సమయాన్ని తగ్గిస్తుంది. అయితే ఇది ప్రదర్శనలో ప్రస్తుత పాస్‌పోర్ట్‌ను పోలి ఉంటుంది. పాస్పోర్ట్ బుక్‌లెట్ మధ్యలో ఏదైనా పేజీలో రేడియో ఫ్రీక్వెన్సీ గుర్తింపు చిప్ ఉంటుంది. చిన్న ఫోల్డబుల్ యాంటెన్నా కూడా బుక్‌లెట్ చివరిలో అమర్చబడుతుంది.
చిప్‌లో వ్యక్తుల బయోమెట్రిక్ వివరాలు.. అంతేకాకుండా బుక్‌లెట్‌లో ఇప్పటికే ఉన్న అన్ని విషయాలు ఉంటాయి. పాస్పోర్ట్ సేవా కార్యక్రమం 2.0 పథకం ఇంకా ప్రారంభం కాలేదు. చిప్ పాస్పోర్ట్ కోసం కేంద్రంలో రద్దీ ఉండకూడదు, కాబట్టి ఈ పథకం అనేక స్థాయిలలో అమలు చేయబడుతుంది. ఇందుకోసం పాస్‌పోర్టు కేంద్రాలను సాంకేతికంగా అప్‌గ్రేడ్ చేస్తున్నారు. దీనితో పాటు కొత్త పాస్‌పోర్ట్‌ను మెరుగుపరచడానికి AI కూడా ఉపయోగించబడుతోంది.
చదవండి :Russia: చంద్రుడిపై కుప్పకూలిన రష్యా ప్రయోగం..చివరి క్షణంలో విఫలమైన ‘లూనా-25’
చిప్ పాస్పోర్ట్ ఇలా ఉంటుంది
ఫోటో, వేలిముద్రలు, ముఖం, కళ్ళన స్టోర్ చేస్తారు, డిజిటల్ సంతకం సేవ్ చేయబడుతుంది.
పాస్‌పోర్ట్‌లోని చిప్ 64 KB డేటా నిల్వ సామర్థ్యాన్ని కలిగి ఉంటుంది.
ధృవీకరణ సమయం తక్కువగా ఉంటుంది.
41 అడ్వాన్స్ ఫీచర్లు
పాస్పోర్ట్ డూప్లికేషన్ భయం ఉండదు.
చిప్‌లో డిజిటల్ లాక్ ఉంటుంది.
ఇ-చిప్‌లోని వినియోగదారు వివరాలన్నీ జీవితకాలం సురక్షితంగా ఉంటాయి.
