అమెరికాకు చెందిన యుద్ధనౌకపై హౌతీ తిరుగుబాటుదారులు దాడి చేశారు. బాబ్ అల్ మందాబ్ జలసంధి గుండా తమ యుద్ధనౌక ప్రయాణిస్తుండగా ఈ ఘటన జరిగినట్లు అమెరికా వెల్లడించింది. హౌతీలు డ్రోన్లు, క్షిపణులతో దాడులకు చేయగా.. నౌకలోని సిబ్బంది వెంటనే వాటిని తిప్పికొట్టారని పెంటగాన్ అధికార ప్రతినిధి మేజర్ జనరల్ పాట్ రైడర్ తెలిపారు. ఈ ఘటనలో నౌకకు ఎలాంటి నష్టం వాటిల్లలేదని, సిబ్బంది ఎవరూ గాయపడలేదని పేర్కొన్నారు.
