Delhi Airport: గత కొద్ది రోజులుగా దేశ రాజధాని ఢిల్లీలో కాలుష్యం తీవ్రత పెరుగుతోంది. రాజధానిలో ఏక్యూఐ 400 దాటింది. రాజధానిలో రోజు రోజుకు గాలి మరింత ప్రమాదకరంగా మారుతోంది. ప్రభుత్వాలు ఎన్ని ప్రయత్నాలు చేసినా గాలి నాణ్యతలో మాత్రం అభివృద్ధి కనిపించడం లేదు. మరోవైపు, ఢిల్లీ విమానాశ్రయంలో వాతావరణం, దృశ్యమానత తక్కువగా ఉండటంతో విస్తారా ఎయిర్‌లైన్స్‌కు చెందిన 18 విమానాలను దారి మళ్లించారు. విస్తారా ఎయిర్‌లైన్స్ ట్విటర్లో ఈ సమాచారాన్ని పోస్ట్ చేసింది. ఢిల్లీ విమానాశ్రయంలో తక్కువ దృశ్యమానత, ప్రతికూల వాతావరణం కారణంగా అహ్మదాబాద్ నుండి ఢిల్లీకి UK906 విమానాన్ని తిరిగి అహ్మదాబాద్‌కు పంపినట్లు ఎయిర్‌లైన్స్ తెలిపింది. అంతేకాకుండా ముంబై నుంచి ఢిల్లీ వెళ్లాల్సిన యూకే954 విమానాన్ని కూడా జైపూర్‌కు తిప్పి పంపారు.
18 విస్తారా విమానాల దారి మళ్లింపు
విస్తారా ఎయిర్‌లైన్స్‌కు చెందిన 18 విమానాలు ఈరోజు ఉదయం 7:30 నుండి 10:30 గంటల మధ్య జైపూర్, లక్నో, అహ్మదాబాద్, అమృత్‌సర్‌లకు మళ్లించబడ్డాయి. రాత్రి 8.10 గంటలకు మైక్రోబ్లాగింగ్ ప్లాట్‌ఫారమ్ ట్విటర్లో ఒక పోస్ట్‌లో ఢిల్లీ విమానాశ్రయంలో తక్కువ దృశ్యమానత ఉందని పేర్కొంది. దీంతో విమానాలను దారి మళ్లించారు.
చదవండి:IMD: ఈ సారి చలి తక్కువే.. ఐఎండీ ఏం చెప్పిందంటే ?
ఢిల్లీలో ఊపిరి పీల్చుకోవడం కష్టం
సెంట్రల్ పొల్యూషన్ బోర్డ్ ప్రకారం, ఢిల్లీలో గాలి నాణ్యత సూచిక ప్రస్తుతం పూర్ కేటగిరీలో ఉంది. దీని కారణంగా పెద్దల నుండి పిల్లల వరకు ప్రతి ఒక్కరూ దగ్గు సమస్యతో బాధపడుతున్నారు. అదనంగా శ్వాస తీసుకోవడంలో ఇబ్బంది కూడా పడుతున్నారు. రాజధానిలో పెరుగుతున్న AQI గాలిని మరింత ప్రమాదకరంగా మారుస్తోంది.
నవంబర్ నెలలో దారుణంగా ఢిల్లీలో పరిస్థితి
సెంట్రల్ పొల్యూషన్ బోర్డ్ ప్రకారం.. గత సంవత్సరం 2022 తో పోలిస్తే ఈ సంవత్సరం రాజధాని ఢిల్లీలో గాలి కాలుష్యం మూడు రెట్లు పెరిగింది. నవంబర్ నెలలో ఢిల్లీలో సాధారణ రేంజ్‌లో గాలి నాణ్యత నమోదైన రోజు ఒక్కటి కూడా లేదు. కాలుష్యం పెరగడానికి కారణం ఢిల్లీ, దాని పొరుగు రాష్ట్రాల్లో గాలి వేగం తగ్గడం. దీపావళి తర్వాత పొట్టు, దగ్ధం పెరిగిన తీరు, రాజధాని సహా ఇతర రాష్ట్రాల్లో గాలి మరీ దారుణంగా మారింది.
చదవండి:70 Years OLd Woman: కవలలకు జన్మనిచ్చిన 70 ఏళ్ల వృద్ధురాలు..తల్లీ బిడ్డలు క్షేమం!
