Woman Arrested For Asking Time Bombs : ఓ మహిళ బాటిళ్లలో టైం బాంబుల్ని(Time Bombs ) తయారు చేసి ఇవ్వాల్సిందిగా ఓ వ్యక్తికి ఆర్డరిచ్చింది. బాటిళ్లలో ఇనుప గుండ్లు, పేలుడు పదార్థాలు నింపి బాంబులు తయారు చేసి డెలివరీ ఇచ్చేందుకు వెళుతుండగా జావేద్‌ అనే వ్యక్తిని పోలీసులు పట్టుకుని అదుపులోకి తీసుకున్నారు. తర్వాత అతను ఇచ్చిన సమాచారం ప్రకారం… మీరఠ్‌కు చెంఎదిన ఇమ్రానా అనే మహిళను కూడా టాస్క్‌ఫోర్స్‌ పోలీసులు అరెస్టు(Arrest) చేశారు. ఉత్తర ప్రదేశ్‌లోని లక్నోలో ఈ ఘటన చోటు చేసుకుంది.
చదవండి : అసిస్టెంట్‌ డైరెక్టర్‌తో శంకర్‌ కుమార్తె నిశ్చితార్థం
ఈ ఘటనకు సంబంధించి పోలీసులు వెల్లడించిన వివరాలు ఇలా ఉన్నాయి. ఇమ్రానాకు ఎప్పటి నుంచో జావేద్‌తో పరిచయం ఉంది. దీంతో ఆమె బాటిళ్లలో టైం బాంబులు తయారు చేసి ఇవ్వాలని జావేద్‌ని కోరింది. 2013లో జరిగిన మత ఘర్షణల్లో ఇమ్రానా ఇల్లు ధ్వంసం అయింది. మళ్లీ అలాంటి ఘటనలు గనుక జరిగితే తన వద్ద ముందస్తుగా బాంబులు ఉండాలన్న ఉద్దేశంతో ఆమె బాంబులను ఆర్డర్‌ చేసినట్లు విచారణలో తెలిపింది. తాను గతంలోనూ ఇలాంటి బాంబుల్ని తయారు చేయించానని ఇమ్రానా తెలిపింది. తర్వాత వాటిని వేరే వారికి ఇచ్చినట్లు వెల్లడించింది.
చదవండి : నాకో పోలీసు జాబ్ ఇవ్వండి.. అప్లికేషన్ పెట్టిన సన్నీ లియోన్
జావేద్‌కు ఇలా నాలుగు బాంబులు తయారు చేయడానికి రూ.10 వేలు ఇమ్రానా అడ్వాన్స్‌గా ఇచ్చింది. తర్వాత మరో రూ.40 వేలు ఇస్తానని చెప్పింది. దీంతో ఈ వివరాల ఆధారంగా ఇమ్రానాపై పలు సెక్షన్ల కింద కేసులు నమోదయ్యాయి. ఈ బాంబుల్ని పోలీసులు స్వాధీనం చేసుకున్నారు. బాంబ్‌ డిస్పోజబుల్‌ స్క్వాడ్‌ న్యాజుపురా అటవీ ప్రాంతానికి వాటిని తీసుకు వెళ్లారు. అక్కడ వాటిని నిర్వీర్యం చేశారు.
