Election Result: దేశంలోని ఐదు రాష్ట్రాల అసెంబ్లీలకు ఎన్నికలు జరిగిన సంగతి తెలిసిందే. ఆదివారం ఈ ఎన్నికల ఫలితాలు ప్రకటిస్తామని ఎలక్షన్ కమిషన్ ప్రకటించిన సంగతి తెలిసిందే. కాకపోతే మిజోరం ఎన్నికల ఫలితాల ప్రకటన తేదీని శుక్రవారం ఎన్నికల సంఘం మార్చింది. మిజోరాం ప్రజల డిమాండ్ మేరకు ఎన్నికల ఫలితాల ప్రకటన తేదీని డిసెంబర్ 3 నుంచి డిసెంబర్ 4కి మారుస్తున్నట్లు ఎన్నికల సంఘం ప్రకటించింది. వివిధ ప్రాంతాల నుండి చాలా దరఖాస్తులు వచ్చాయని, ఎందుకంటే ఆదివారం అక్కడి ప్రజలకు ప్రత్యేక ప్రాముఖ్యత ఉందని ఎన్నికల సంఘం తెలిపింది. మిగిలిన నాలుగు రాష్ట్రాలైన మధ్యప్రదేశ్, రాజస్థాన్, ఛత్తీస్‌గఢ్, తెలంగాణలో యధావిధిగా ఆదివారమే ఎన్నికల ఫలితాలను ప్రకటిస్తామని చెప్పింది.
