Election counting in Mizoram started
రాజస్థాన్, మధ్యప్రదేశ్, తెలంగాణ, ఛత్తీస్‌గఢ్ అనే నాలుగు రాష్ట్రాల ఫలితాలు ప్రకటించిన ఒక రోజు తర్వాత, నేడు మిజోరం అసెంబ్లీ ఎన్నికల ఫలితాలు విడుదలవుతున్నాయి. నవంబర్ 7న మిజోరంలోని 40 అసెంబ్లీ స్థానాలకు జరిగిన ఎన్నికలలో మిజో నేషనల్ ఫ్రంట్ (MNF), జోరామ్ పీపుల్స్ మూవ్‌మెంట్ (ZPM), కాంగ్రెస్, BJP గెలుపు కోసం పోటీలో ఉన్నాయి. రాష్ట్రంలో మొత్తం 40 అసెంబ్లీ స్థానాల్లో ఎంఎన్‌ఎఫ్, జెడ్పీఎం, కాంగ్రెస్ పోటీ చేయగా, బీజేపీ 23 స్థానాల్లో మాత్రమే పోటీ చేసింది. మిజోరం అసెంబ్లీ ఎన్నికల్లో మొత్తం 174 మంది అభ్యర్థులు పోటీ చేశారు. నవంబర్ 7న మిజోరాం అసెంబ్లీకి జరిగిన పోలింగ్‌లో 80.43 శాతం ఓటింగ్ నమోదైంది.
ఎగ్జిట్ పోల్స్ అంచనాల ప్రకారం ప్రధానంగా ప్రాంతీయ పార్టీలైన MNF, ZPM మధ్య గట్టిపోటీ ఉంటుందని తెలిపాయి. ఎగ్జిట్ పోల్ ఫలితాలు అధికార MNF, మాజీ IPS అధికారి లాల్దుహోమా ZPM మధ్య తీవ్రమైన పోటీ ఉంటుందన్నాయి. కొన్ని అంచనాలు ముఖ్యమంత్రి జోరమ్‌తంగా నేతృత్వంలోని అధికార MNF లాభాన్ని కలిగి ఉన్నాయని సూచించగా..మరికొన్ని కొన్ని ZPM విజయాన్ని అంచనా వేశాయి.
వాస్తవానికి డిసెంబర్ 3న ఈ రాష్ట్రంలో(Mizoram Election Results 2023) కూడా ఎన్నికల ఫలితాల కోసం షెడ్యూల్ చేయబడింది. కానీ అనుహ్యంగా కౌంటింగ్ రోజు డిసెంబర్ 4కి రీషెడ్యూల్ చేయబడింది. ఎన్నికల సంఘం అధికారిక నోటిఫికేషన్‌లో మిజోరంలో “వివిధ వర్గాల నుంచి అనేక ప్రాతినిధ్యాలు” స్వీకరించడం కోసం ఈ నిర్ణయం తీసుకున్నట్లు తెలిపింది. ఆయా ప్రాతినిధ్యాలు సమిష్టిగా కౌంటింగ్ తేదీని ఆదివారం నుంచి సోమవారానికి సవరించాలని అభ్యర్థించాయని వెల్లడించింది. వారి అభ్యర్థన మేరకు ఎన్నికల సంఘం అంగీకరించింది.
ఇది కూడా చూడండి: Duddilla sridhar babu: పీవీ నరసింహరావు రికార్డును బ్రేక్ చేసిన కాంగ్రెస్ ఎమ్మెల్యే
