Fire Accident: ఉత్తరప్రదేశ్‌లోని ప్రయాగ్‌రాజ్ జిల్లా ఝూన్సీ ప్రాంతంలోని మారుతీ యార్డ్ హబ్‌లో భారీ అగ్నిప్రమాదం జరిగింది. మంటల కారణంగా యార్డులో పార్క్ చేసిన 16 కార్లు దగ్ధమయ్యాయి. అనేక ఇతర వాహనాలు కూడా స్వల్పంగా దెబ్బతిన్నాయి. హైటెన్షన్ విద్యుత్ వైరు తెగి పడటంతో కార్లు మంటల్లో చిక్కుకున్నట్లు సమాచారం. మారుతీ యార్డు హబ్‌లో ఎగసిపడుతున్న భారీ మంటలను చూసి ఆ ప్రాంతమంతా భయాందోళనలకు గురవుతోంది.
చదవండి:IND vs AUS: తొలి వన్డేలో ఆస్ట్రేలియా 276పరుగులకు ఆలౌట్ .. 5వికెట్లు పడగొచ్చిన మహ్మద్ షమీ
అగ్నిప్రమాదంపై సమాచారం అందుకున్న సీఎఫ్‌వో అగ్నిమాపక సిబ్బందితో సంఘటనా స్థలానికి చేరుకున్నారు. అగ్నిమాపక యంత్రాలతో గంటన్నర శ్రమించి మంటలను అదుపులోకి తీసుకొచ్చారు. బ్రైట్ ఫోర్ వీలర్ సేల్స్ ప్రయాగ్‌రాజ్ ప్రైవేట్ లిమిటెడ్‌కు చెందిన ఝూన్సీ గోదాములో మంటలు చెలరేగాయి. ఉదయం 09:45 గంటల ప్రాంతంలో మంటలు చెలరేగాయి. మంటల కారణంగా ఊర్మిళ మహిళా కళాశాల వెనుక ఉంచిన కార్లు కూడా దగ్ధమయ్యాయి.
చదవండి:World Cup 2023: ప్రపంచకప్‌కు ప్రైజ్ మనీ ప్రకటించిన ఐసీసీ.. విజేతకు ఎంత దక్కుతుందంటే?
భారీ అగ్నిప్రమాదం కారణంగా 16 కార్లు పూర్తిగా దగ్ధమైనట్లు చెబుతున్నారు. యార్డ్‌లో పార్క్ చేసిన మిగతా వాహనాలకు మంటల భారిన పడకుండా రక్షించారు. అగ్నిప్రమాదంలో ఎలాంటి ప్రాణ నష్టం జరగకపోవడం అదృష్టం. మంటలు చెలరేగినప్పుడు స్థానిక ఝూన్సీ పోలీస్ స్టేషన్ అధికారులు, ఉద్యోగులు అక్కడే ఉన్నారు. ఫుల్‌పూర్, హాండియా, నైని అగ్నిమాపక కేంద్రాల నుంచి కూడా వాహనాలను రప్పించారు. సమాచారం మేరకు 11 వేల వోల్టుల విద్యుత్ లైన్ వైరు తెగి వాహనాలపై పడింది. దీంతో అక్కడ పార్క్ చేసిన వాహనాలకు మంటలు అంటుకున్నాయి. క్రమంగా మంటలు భారీ రూపం దాల్చడంతో మారుతీ యార్డ్ హబ్ వద్ద పార్క్ చేసిన 16 కార్లు దగ్ధమయ్యాయి. ప్రస్తుతం విద్యుత్ శాఖ నిర్లక్ష్యమే కారణమని యార్డు ఉద్యోగులు ఆరోపిస్తున్నారు.
