Money
ఓ వ్యక్తి కారులో నుండి కరెన్సీ నోట్లు వెదజల్లుతున్న వీడియో సోషల్ మీడియాలో వైరల్ గా మారింది. వివరాల మేరకు… హర్యానాలోని గురుగ్రామ్ ప్రాంతంలో రన్నింగ్ లో ఉన్న కారు నుండి వెనుక భాగం క్యాబిన్ తెరిచి, నోట్లు వెదజల్లుతున్నట్లుగా వీడియో ఉంది. ఇటీవల విడుదలైన ఫర్జీ వెబ్ సిరీస్ లోని సన్నివేశాన్ని ఆ వ్యక్తి రీక్రియేట్ చేసే ప్రయత్నం చేశాడని అంటున్నారు. కరెన్సీ నోట్లు గాల్లోకి విసిరిన వ్యక్తిని పోలీసులు గుర్తించి కేసు నమోదు చేసినట్లు ఏసీపీ వికాస్ కౌశిక్ తెలిపారు. మరుసటి రోజు పోలీసులు ఈ కేసులో కీలక నిందితుడిగా భావిస్తున్న యూట్యూబర్ జోరావర్ సింగ్ కల్సి, అతని స్నేహితుడు గురు ప్రీత్ సింగ్ ను అరెస్ట్ చేసారు. తదుపరి విచారణ చేస్తున్నారు.
గురుగ్రామ్ లో గోల్ఫ్ కోర్స్ రోడ్డులో కారులో నుండి కరెన్సీ విసిరేసిన ఇద్దరు వ్యక్తులు, సినిమాలోని సన్నివేశాన్ని రీక్రియేట్ చేసే ప్రయత్నం గురించి పోలీసులకు తెలిసిందని, పోలీసులు వివిధ సెక్షన్ల కింద కేసులు నమోదు చేసి, ప్రధాన నిందితులను గుర్తించారని ఏసీపీ తెలిపారు.
ఇది చదవండి: viral video: మహిళను బలవంతంగా ముద్దు పెడుతున్న సీరియల్ కిస్సర్!
కాగా, గతంలోను బెంగళూరులో ఓ వ్యక్తి అండర్ వే బ్రిడ్జి పై నుండి పది రూపాయల నోట్లను కిందకు విసిరివేసాడు. ఇది ఈ ఏడాది జనవరిలోనే జరిగింది. గుర్తు తెలియని వ్యక్తి ఒకరు.. బెంగళూరు ఆర్కే పురం ఫ్లై ఓవర్ పై నుండి కింద ఉన్న వారికి పది రూపాయల నోట్లు విసిరేశాడు. దీంతో వాటిని ప్రజలు ఏరుకునే ప్రయత్నం చేశారు. అది బిజీ ఏరియా. ఆయన చేసిన పని కారణంగా ఫ్లై ఓవర్ వద్ద ట్రాఫిక్ జామ్ అయింది. ఫ్లై ఓవర్ నుండి అటు వైపు, ఇటు వైపు వెళ్లి నోట్లను విసిరాడు. బ్రిడ్జి పైన ఉన్న కొంతమంది తమకు ఇవ్వాలని విజ్ఞప్తి చేయగా, వారి చేతికి మాత్రం ఇవ్వలేదు. కానీ కిందకు విసిరేశాడు.
#WATCH | Haryana: A video went viral where a man was throwing currency notes from his running car in Gurugram. Police file a case in the matter.
(Police have verified the viral video) pic.twitter.com/AXgg2Gf0uy
— ANI (@ANI) March 14, 2023
