తమిళనాడు సీఎం ఎంకే స్టాలిన్ ప్రధాని మోదీ (PM MODI)పై విమర్మలు గుప్పించారు. దేశంలో మతపరమైన ఘ‌ర్ష‌ణ‌ల‌ను సృష్టించేందుకు ప్రధాని మోదీ ప్రయత్నిస్తున్నారని ఆయన ఆరోపించారు. ఎన్నికల్లో గెలవడం కోసం ప్రజల్ని ఆయన క‌న్‌ఫ్యూజ్ చేస్తున్నారని మండిపడ్డారు. రాబోయే లోక్‌స‌భ (Lok Sabha) ఎన్నికల్లో బీజేపీకి ప్రజ‌లే తగిర గుణ‌పాఠం చెబుతార‌ని అన్నారు. దేశంలో ఉమ్మడి పౌర స్మృతి అమలు చేయాల్సిన అవ‌స‌రం ఉంద‌ని ప్రధాని మోదీ ఇటీవ‌ల పేర్కొన్న నేప‌థ్యంలో సీఎం స్టాలిన్ (CM Stalin) ఆ వ్యాఖ్యలపై స్పందించారు. ఎన్నికల్లో గెలవడం కోసం ప్రజల్ని మోసం చేస్తున్నారని మండిపడ్డారు.
చదవండి : Rain Alert: కోస్తాంధ్రకు భారీ వర్ష సూచన..ఐఎండీ హెచ్చరిక
మాజీ ముఖ్యమంత్రి క‌రుణానిధి (Karunanidhi) త‌న‌ను కేవ‌లం ఓ కుమారుడిలా చూడ‌లేద‌ని, ఆయ‌న‌కు పార్టీ కార్యక‌ర్తలు అంతా కుమారులే అని స్టాలిన్ తెలిపారు. ప్రధాని ఎన్నికల ప్రయోజనాల కోసం యూనిఫాం సివిల్ కోడ్ (UCC) అంశాన్ని ఉపయోగిస్తున్నారని ఆరోపించారు. ఎన్నికల్లో విజయం సాధించేందుకు మోదీ మతపరమైన ఉద్రిక్తతలను రెచ్చగొట్టేందుకు ప్రయత్నిస్తున్నారని అన్నారు. ప్రధాని ఏకరీతి సివిల్ కోడ్ అమలు చేస్తామని చెప్పారు మరియు మన దేశంలో రెండు చట్టాలు ఉండకూడదని అన్నారు.ఇప్పటికే కాంగ్రెస్(Congress), శివసేన (యుబిటి), ఎఐఎంఐఎం మరియు జెడి(యు) వంటి పార్టీలు ద్రవ్యోల్బణం మరియు నిరుద్యోగం వంటి ఒత్తిడితో కూడిన సమస్యల నుండి దృష్టిని మరల్చడానికి యుసిసి అంశాన్ని ప్రధాని లేవనెత్తారని ఆరోపించిన విషయం తెలిసిందే.
చదవండి : మణిపూర్లో రాహుల్ కాన్వాయ్ ను అడ్డుకున్న పోలీసులు
