varun tej : శేఖర్‌ కమ్ముల దర్శకత్వంలో వచ్చిన సూపర్‌ హిట్‌ మూవీ ఫిదా. ఆ సినిమాలో హీరో హీరోయిన్లుగా నటించిన వరుణ్ తేజ్‌, సాయి పల్లవి జంటను చూసి ప్రేక్షకులు నిజంగానే ఫిదా అయిపోయారు. అంతగా ఆ జంట పాపులర్‌ అయిపోయింది కూడా. ఎన్నారైగా వరుణ్ చక్కగా నటించారు. అలాగే అచ్చమైన తెలంగాణ పడుచు పిల్లలా సాయి పల్లవి(sai pallavi) తన పాత్రలో ఒదిగిపోయారు. అయితే ఆ సినిమా తర్వాత వారిద్దరూ కలిసి మరే సినిమాలోనూ నటించలేదు. ఎందుకంటే…
చదవండి : Pumpkin seeds: ఆరోగ్యానికి కలిగే లాభాలు ఇవే..!
ఇటీవల ఓ ఇంటర్య్వూలో భాగంగా వరుణ్‌తేజ్‌(varun tej) కి ఈ ప్రశ్నే ఎదురైంది. ఫిదా సినిమాతో హిట్‌ పెయిర్‌గా నిలిచిన మీరిద్దరూ కలిసి మళ్లీ ఎందుకు నటించలేదని అడిగారు. దీంతో దీని వెనక ఉన్న స్టోరీని వరుణ్ వెల్లడించారు. నిజానికి తామిద్దరూ కలిసి మళ్లీ మరో సినిమా చేయాలనుకున్నామని చెప్పారు. అందులో భాగంగా ఓ స్టోరీ కూడా విన్నామని అన్నారు.
చదవండి : ఆహాని అమ్మేస్తున్న అల్లు అరవింద్..?
ఫిదా ఎంత బ్లాక్‌బస్టర్‌ హిట్లో అందరికీ తెలిసిందే. అంతకంటే మంచి స్టోరీ వస్తేనే మేమిద్దరం మళ్లీ కలిసి సినిమా చేయాలని నిర్ణయించుకున్నాం అని వరుణ్ చెప్పారు. అంతకు మించిన స్టోరీ తమ వద్దకు రాకపోవడంతోనే మళ్లీ తామిద్దరం కలిసి తెరపై కనిపించలేదన్నారు. ఇదిలా ఉండగా వరుణ్ తేజ్‌ తాజా చిత్రం ఆపరేషన్‌ వాలెంటైన్‌ వచ్చే మార్చి 1న ప్రేక్షకుల ముందుకు రానుంది. శక్తి ప్రతాప్‌ సింగ్‌ దర్శకత్వం వహించిన ఈ సినిమాలో వరుణ్ పైలట్‌గా నటించారు. మానుషి చిల్లర్‌ కథానాయికగా నటించారు.
