రంగబలి మూవీ(Rangabali Movie) టీజర్ తాజాగా విడుదలైంది. టీజర్ ఆసాంతం కామెడీ టైమింగ్, యాక్షన్‍తో నాగశౌర్య అదరగొట్టాడు. ముఖ్యంగా నాగ శౌర్య(Naga shaurya), కమెడియన్ సత్య మధ్య సీన్లు బాగా పండినట్టు కనిపిస్తున్నాయి. రంగబలి మూవీకి పవన్ బాసంశెట్టి దర్శకుడిగా ఉన్నాడు. రంగబలి టీజర్‌లో “మన ఊర్లో.. మనల్ని ఎవర్రా ఆపేది.. కొట్టు” అనే డైలాగ్ ఉంది. పవర్ స్టార్ పవన్ కల్యాణ్ ఫేమస్ డైలాగ్ అయిన “మనల్ని ఎవర్రా ఆపేది”ని రంగబలి టీజర్ గుర్తు చేసిందని ఫ్యాన్స్ అభిప్రాయపడుతున్నారు.
నాగశౌర్య ‘రంగబలి’ టీజర్:
చదవండి: Balakrishna: బర్త్ డే సందర్భంగా భగవంత్ కేసరి టీజర్ రిలీజ్..మాస్ ఫీస్ట్
అలాగే టీజర్‌లో శౌర్య(Naga shaurya) చెప్పిన “మా డెడికేషన్ చూస్తే మీకు జ్వరమొచ్చేస్తది”.. డైలాగ్ కూడా మంచి టైమింగ్‍లో పడింది. నాగ శౌర్య తండ్రి పాత్రలో గోపరాజు రమణ నటించారు. లవ్ స్టోరీ ఫేమ్ పవన్ సీహెచ్.. ఈ రంగబలి మూవీకి మ్యూజిక్ డైరెక్టర్‌గా ఉన్నాడు. సుధాకర్ చెరుకూరి నిర్మించిన ఈ చిత్రం శ్రీ లక్ష్మి వేంకటేశ్వర్ సినిమాస్ పతాకంపై వస్తోంది. దివాకర్ మణి, వంశీ పచ్చిపులుసు సినిమాటోగ్రఫీ బాధ్యతలు నిర్వర్తించారు. కార్తిక శ్రీనివాస్ ఎడిటర్‌గా ఉన్నాడు. రంగబలి సినిమా(Rangabali Movie) జూలై 7వ తేదీన థియేటర్లలో విడుదల కానుంది.
