ఈ ఏడాదిలో బిగ్గెస్ట్ సినిమా ఫెస్టివల్ మంత్ ఏదంటే సెప్టెంబర్ అనే చెప్పొచ్చు. సెప్టెంబర్‌లో అసలు సిసలైన సినిమాలు రిలీజ్‌కు రెడీ అవుతున్నాయి. వారానికి రెండు, మూడు సినిమాల చొప్పున మొత్తంగా డబ్బింగ్ సినిమాలతో కలుపుకొని 8 నుంచి 10 సినిమాలు విడుదలకు సిద్దమవుతున్నాయి. అయితే, హీరోల మధ్య పోటీ ఎలాగో, హీరోయిన్ల మధ్య వచ్చే నెలలో టఫ్ ఫైట్ ఉండబోతోంది. ముందుగా రౌడీ హీరో విజయ్ దేవరకొండ ‘ఖుషి మూవీ థియేటర్స్‌లోకి రాబోతోంది. శివ నిర్వాణ డైరెక్ట్ చేస్తున్న ఈ సినిమాలో సమంత హీరోయిన్‌గా నటిస్తోంది. ఇక సెప్టెంబర్ 7న ‘మిస్ శెట్టి మిస్టర్ పొలిశెట్టి’ రిలీజ్ కానుంది.
చదవండి: Sai Pallavi: ఎవ్వరైనా సరే ‘నో’ చెప్పేస్తోందా?
ఇందులో అనుష్క కీ రోల్ ప్లే చేసింది. అదే రోజు మరో బిగ్గెస్ట్ పాన్ ఇండియా మూవీ ఆడియెన్స్ ముందుకు రాబోతోంది. బాలీవుడ్ బాద్‌షా షారుఖ్ ఖాన్ నటించిన ‘జవాన్’ సినిమా సెప్టెంబర్ 7న థియేటర్లోకి వస్తోంది. అట్లీ డైరెక్ట్ చేసిన ఈ సినిమాలో నయన తార హీరోయిన్‌గా నటిస్తోంది. ఆ తర్వాత సెప్టెంబర్ 15న రామ్ పోతినేని, బోయపాటి శ్రీను చేస్తున్న ఫస్ట్ పాన్ ఇండియా ప్రాజెక్ట్ ప్రేక్షకుల ముందుకు రానుంది. ఇందులో శ్రీలీల హీరోయిన్‌గా నటించింది. అదే రోజు హిట్ సీక్వెల్ టిల్లు స్క్వేర్ రిలీజ్ కానుంది. ఇందులో అనుపమా పరమేశ్వరన్ హీరోయిన్‌గా నటిస్తోంది.
చదవండి: Namrata Shirodkar: మహేష్ తనయుడి మంచి మనసు.. నెట్టింట ప్రశంసల వర్షం..!
ఇక సలార్ ఎండింగ్‌లో ప్రభాస్, ప్రశాంత్ నీల్ కాంబినేషన్లో వస్తున్న ‘సలార్’ సెప్టెంబర్ 28న గ్రాండ్‌గా రిలీజ్ కాబోతోంది. ఈ సినిమాలో మరో సీనియర్ బ్యూటీ శృతి హాసన్ హీరోయిన్‌గా నటిస్తోంది. అలాగే రాఘవ లారెన్స్ హీరోగా నటిస్తున్న ‘చంద్రముఖి2’ కూడా రిలీజ్‌కు రెడీ అవుతోంది. ఇందులో బాలీవుడ్ హాట్ బ్యూటీ కంగనా రనౌత్ హీరోయిన్‌గా నటిస్తోంది. మొత్తంగా సీనియర్ హీరోయిన్లు సమంత, అనుష్క, నయన తార, కంగనా రనౌత్ సెప్టెంబర్‌లో సందడి చేయనుండగా.. యంగ్ బ్యూటీ శ్రీలీల, అనుపమా పరమేశ్వరన్ ఈ రేసులో ఉండడం ఇంట్రెస్టింగ్‌గా మారింది. మరి వీరిలో ఎవరిది పై చేయి అవుతుందో చూడాలి.
