Pushpa 2: పుష్ప సినిమాలో సమంత చేసిన ఊ అంటావా.. ఐటెం సాంగ్ ఇప్పటికీ హాట్ గానే ఉంటుంది. పార్ట్ వన్‌కే ఇలా ఉంటే.. సెకండ్ పార్ట్‌లో వచ్చే ఐటెం సాంగ్ ఇంకే రేంజ్‌లో ఉంటుందోనని ఊహించుకుంటున్నారు మూవీ లవర్స్. ఈ క్రమంలోనే పలువురు బాలీవుడ్ బ్యూటీల పేర్లు వినిపించాయి. అందులో దిశా పటాని పేరు బాగా వినిపించింది. ఎందుకంటే పార్ట్ వన్‌లో ముందుగా దిశానే ఐటెం సాంగ్ కోసం అనుకున్నారు. కానీ ఆ తర్వాత మళ్లీ సమంత లైన్లోకి వచ్చిందని అన్నారు. ఇక ఇప్పుడు కృతి సనన్ పేరు కూడా తెరపైకి వచ్చింది.
ఇది కూడా చూడండి: NTR: హ్యాపీ బర్త్ డే హృతిక్ సర్.. ఎన్టీఆర్ పోస్ట్ వైరల్!
అంతేకాదు.. దిశా పటానీ, కృతి సనన్ ఇద్దరు కూడా పుష్పరాజ్‌తో చిందులేసే ఛాన్స్ ఉందని అంటున్నారు. కృతి సనన్‌ను మహేష్‌ బాబు ‘1 నేనొక్కడడినే’ సినిమాతో సుకుమార్ హీరోయిన్‌గా ఇంట్రడ్యూస్ చేశాడు. దీంతో సుక్కు అడిగితే కృతి కాదనే ఛాన్స్ లేదు. కానీ దిశా పటానీ రేసులో ఉంది కాబట్టి.. ఇద్దరిలో ఎవరు ఐటెం సాంగ్ చేస్తున్నారనేది హాట్ టాపిక్‌గా మారింది. ఇద్దరు ఐటెం సాంగ్ చేస్తున్నారా? లేదా ఒక్కరే చేస్తున్నారా? అనేది క్లారిటీ లేదు గానీ.. ప్రస్తుతం ఈ సాంగ్‌ను రామోజీఫిలిం సిటీలో చిత్రీకరిస్తున్నట్టుగా తెలుస్తోంది.
ఇది కూడా చూడండి: Water Bottle: లీటర్ బాటిల్‌లో ఇన్ని లక్షల ప్లాస్టిక్ రేణువులా!
మరి పుష్ప2 ఐటెం పై ఎప్పుడు క్లారిటీ వస్తుందో వెయిట్ చేయాల్సి ఉంది. ఇకపోతే.. సుకుమార్ ఎంతో ప్రతిష్టాత్మకంగా తెరకెక్కిస్తున్న పుష్ప2 మూవీని మైత్రీ మూవీ మేకర్స్ భారీ బడ్జెట్‌తో నిర్మిస్తోంది. రష్మిక మందన్నా హీరోయిన్‌గా నటిస్తోంది. సునీల్, అనసూయ, ఫహాద్ ఫాజిల్ కీ రోల్ ప్లే చేస్తున్నారు. ఈ ఏడాది ఇండిపెండెన్స్ డే సందర్భంగా ఆగష్టు 15న భారీ అంచనాల మధ్య పుష్ప2 రిలీజ్ కానుంది. మరి ఈసారి పుష్పరాజ్ బాక్సాఫీస్ దగ్గర ఎలాంటి రచ్చ చేస్తాడో చూడాలి.
ఇది కూడా చూడండి: Ruhani Sharma: వెంకీ ‘సైంధవ్‌’లో విరాట్ కోహ్లీ మరదలు?
