Tillu Square Shocking Risky run time
Tillu Square: డీజె టిల్లు మూవీ కుర్రకారును ఫిదా చేయడంతో.. కాస్త గ్యాప్ తీసుకొని టిల్లు స్క్వేర్‌గా రాబోతున్నాడు సిద్ధు. మార్చి 29న ఈ హిట్ సీక్వెల్ రిలీజ్‌కు ప్లాన్ చేస్తున్నారు. దీంతో ప్రమోషన్స్ స్టార్ట్ చేశారు మేకర్స్. ఇప్పటికే టిల్లు స్క్వేర్ నుంచి వచ్చిన ప్రమోషనల్ కంటెంట్‌కు సాలిడ్ రెస్పాన్స్ వచ్చింది. గ్లింప్స్‌తో పాటు ఫ‌స్ట్ సింగిల్ టికెటే కొనకుండా పాటకు మంచి స్పంద‌న వచ్చింది. దీంతో.. ఈసారి టిల్లుగాడు చేయబోయే సందడి మామూలుగా ఉండదని అంటున్నారు. ఇప్పటికే ఈ సినిమా సెన్సార్ పూర్తి కాగా.. సెన్సార్ బోర్డ్ యూ/ఏ సర్టిఫికెట్ ఇచ్చారు. అంటే.. పెద్దల సమక్షంలో పిల్లలు కూడా ఈ సినిమాను చూడొచ్చు. దీంతో టిల్లు స్క్వేర్‌లో ఏం లేదా? అని కామెంట్స్ వినిపించాయి. ఎందుకంటే.. హీరోయిన్ అనుపమా గ్లామర్ పై భారీ ఎక్స్‌పెక్టేషన్స్ పెట్టుకున్నారు కుర్రాళ్లు. ఇప్పటికే టిల్లు స్క్వేర్ థియేట్రికల్ బిజినెస్ భారీగా జరిగినట్టుగా తెలుస్తోంది.
చదవండి:Weekend Movies: ఈ వారం థియేట‌ర్‌-ఓటీటీలో అల‌రించే చిత్రాలు ఇవే
అయితే.. ఈ సినిమా రన్ టైం మాత్రం హాట్ టాపిక్‌గా మారింది. ఈ సినిమా నిడివి కేవలం 1 గంట 58 నిమిషాలకు ఫైనల్ చేశారట. అంటే టిల్లు స్క్వేర్ నిడివి రెండు గంటలలోపే అన్న మాట. ఇది క్రిస్ప్ రన్ టైం అయినా కూడా.. నార్మల్ తెలుగు మూవీస్‌తో పోల్చితే చాలా తక్కువ అనే చెప్పాలి. కంటెంట్ బాగుంటే మూడు గంటలు చూపించేందుకు కూడా వెనుకాడని ప్రస్తుత పరిస్థితుల్లో.. ఇంత షార్ట్ లెంగ్త్ అంటే కాస్త ఆశ్చర్యమే. అయితే అనవసర సన్నివేశాలు లేకుండా చాలా షార్ట్‌గా ఈ సినిమాను కట్ చేసినట్టు సమాచారం. మరి ఇంత తక్కువ రన్ టైంతో టిల్లు గాడు ఎలాంటి రచ్చ చేస్తాడో చూడాలి.
చదవండి:Taapsee pannu: సీక్రెట్‌గా పెళ్లి చేసుకున్న తాప్సీ
