బుల్లి తెరపై సుడిగాలి సుధీర్ హీరో అనే చెప్పాలి. సుధీర్ ఎలాంటి ప్రోగ్రామ్స్ చేసినా తిరుగులేని టీఆర్పీ రేట్స్ వస్తాయి. అయితే బుల్లితెరపై సత్తా చాటుతూనే బిగ్ స్క్రీన్‌పై కూడా దుమ్ములేపుతున్నాడు సుధీర్. ఇప్పటికే పలు సినిమాల్లో హీరోగా చేసిన సుధీర్.. చివరగా గాలోడు సినిమాతో మంచి విజయాన్ని అందుకున్నాడు. ఇక ఇప్పుడు ‘కాలింగ్ సహస్ర’ అనే సినిమాతో ఆడియన్స్ ముందుకు రాబోతున్నాడు. షాడో మీడియా ప్రొడక్ష‌న్స్‌, రాధా ఆర్ట్స్ ప‌తాకాల‌పై అరుణ్ విక్కిరాలా ద‌ర్శ‌క‌త్వంలో తెరకెక్కుతున్న ఈ సినిమాలో.. డాలీషా హీరోయిన్‌గా న‌టిస్తోంది.
చదవండి: RaviTeja: ఓటీటీలో దుమ్ములేపుతున్న టైగర్ నాగేశ్వర రావు!
లేటెస్ట్‌గా ఈ చిత్రాన్ని డిసెంబర్ 1న గ్రాండ్ రిలీజ్ చేస్తున్నట్టు అనౌన్స్ చేశారు. ఈ సంద‌ర్భంగా.. సుధీర్‌కి ఉన్న ఫ్యాన్ ఫాలోయింగ్ గురించి ప్ర‌త్యేకంగా చెప్ప‌న‌క్క‌ర్లేదని, అంద‌రి అంచ‌నాల‌ను మించేలా సుధీర్‌ను స‌రికొత్త కోణంలో ప్రెజంట్ చేసేలా కాలింగ్ స‌హ‌స్రలో ఆయ‌న క్యారెక్ట‌ర్ ఉంటుందన్నారు మేకర్స్. దీంతో సుధీర్ ఫ్యాన్స్ కాలింగ్ సహస్ర థియేటర్ రాక కోసం వెయిట్ చేస్తున్నారు. కానీ ఈ సినిమా రిలీజ్ డేట్ విషయంలో మాత్రం గాలోడు రిస్క్ చేస్తున్నట్టుగానే ఉంది వ్యవహారం.
చదవండి: Salaar: ‘సలార్’ ట్రైలర్ పై సాలిడ్ అప్డేట్!
ఎందుకంటే.. డిసెంబర్ 1న సందీప్ రెడ్డి లేటెస్ట్ ఫిల్మ్ ‘యానిమల్’ గ్రాండ్‌గా రిలీజ్ కాబోతోంది. రణబీర్ కపూర్, రష్మిక జంటగా నటించిన ఈ సినిమాపై తెలుగులోనూ మంచి అంచనాలు ఉన్నాయి. కానీ.. అదే రోజు ‘సుడిగాలి’ సుధీర్ సినిమా విడుదల చేస్తుండడం రిస్క్ అనే చెప్పాలి. అయితే ఆ రోజున తెలుగు నుంచి మరో సినిమా విడుదల కావడం లేదు. అందుకే.. సుధీర్ సై అంటున్నట్టున్నాడు. మరి యానిమల్‌ను గాలోడు ఎలా తట్టుకుంటాడో చూడాలి.
