ప్రస్తుతం టాలీవుడ్‌లో వరుస ఆఫర్స్‌తో దూసుకుపోతోంది శ్రీలీల (Srileela). ఇప్పటికే అమ్మడి చేతిలో దాదాపు పది సినిమాలున్నాయి. యంగ్ హీరోలతో పాటు మహేష్‌ బాబు, పవన్ కళ్యాణ్ వంటి స్టార్ హీరోలతోను నటించే ఛాన్స్ కొట్టేసింది. ఇక ఇప్పుడు ఏకంగా గ్లోబల్ స్టార్ రామ్ చరణ్‌తో బంపరాఫర్ కొట్టేసినట్టేనని అంటున్నాయి ఇండస్ట్రీ వర్గాలు. ప్రజెంట్ శంకర్‌తో గేమ్ చేంజర్ సినిమా చేస్తున్నాడు రామ్ చరణ్. ఈ సినిమా తర్వాత బుచ్చిబాబుతో భారీ ప్రాజెక్ట్ చేయబోతున్నాడు. ఇప్పటికే అనౌన్స్మెంట్ వచ్చేసిన ఈ సినిమాకు.. ప్రస్తుతం ప్రీ ప్రొడక్షన్ వర్క్ జరుగుతోంది.
చదవండి: Devara Movie: ‘దేవర’ కోసం బాహుబలి, RRR ఫైట్ మాస్టర్!
మిగతా స్టార్ క్యాస్టింగ్‌ ఫైనలైజ్ చేసే పనిలో ఉన్నాడు బుచ్చిబాబు. ఈ క్రమంలో హీరోయిన్‌గా జాన్వీ కపూర్, మృణాల్ ఠాకూర్ పేర్లు వినిపించాయి. కానీ తాజాగా యంగ్ బ్యూటీ శ్రీలీల ఈ రేసులోకి దూసుకొచ్చింది. రీసెంట్‌గా ఓ సినిమా ప్రీ రిలీజ్ ఈవెంట్‌లో శ్రీలీల పాల్గొంది. అదే కార్యక్రమంలో బుచ్చిబాబు కూడా పాల్గొన్నాడు. ఈ సందర్భంగా బుచ్చిబాబు కామెంట్స్‌.. ఆర్సీ 16లో శ్రీలీలను ఫిక్స్ చేసినట్టుగా హింట్ ఇచ్చినట్టే ఉందని అంటున్నారు.
చదవండి: Pawan Kalyan: పవన్ కళ్యాణ్‌కు తప్పుడు సమాచారం.. నాజర్
ఈసారి కాంప్రమైజ్‌ కాకుండా ఒక మంచి తెలుగు మాట్లాడగల తెలుగు అమ్మాయిని తన సినిమాలో తీసుకుంటాను.. అంటూ శ్రీలీల వైపు చూస్తూ చెప్పుకొచ్చాడు బుచ్చిబాబు. ఆ మాటలకు ముసి ముసి నవ్వులతో శ్రీలీల మొహం వెలిగిపోయింది. దీంతో ఆర్సీ 16లో శ్రీలీల హీరోయిన్‌గా ఫిక్స్ అయినట్టేనని అంటున్నారు. ఒకవేళ నిజంగానే.. శ్రీలీల ఈ మెగా ఛాన్స్ కొట్టేస్తే.. అమ్మడే టాలీవుడ్ టాప్ హీరోయిన్ అని చెప్పొచ్చు. త్వరలోనే ఆర్సీ 16 హీరోయిన్ విషయంలో క్లారిటీ రానుంది.
