Shahrukh khan y+ security
Shahrukh khan: బాలీవుడ్ బాద్‌షా షారుక్ ఖాన్‌ ఇటీవల ‘పఠాన్’ , ‘జవాన్’ సినిమాతో రికార్డు సృష్టించిన సంగతి తెలిసిందే. వరుస చిత్రాలతో హిట్ కొట్టాడు. జవాన్ సినిమా రిలీజ్ అయి రోజులు గడుస్తున్న థియేటర్లలో ఇంకా హౌస్‌ఫుల్ బోర్డులు కనిపిస్తున్నాయి. ఈ రెండు సినిమాలు భారీ హిట్ కొట్టిన తర్వాత షారుక్ను కొందరు బెదిరించారు. కొంతమంది గుర్తుతెలియని వ్యక్తులు షారుక్ను చంపేస్తామంటూ బెదిరింపులకు పాల్పడుతూ అతని నివాసానికి లేఖలు రాశారు. దీంతో షారుక్ ముంబాయి పోలీసులను ఆశ్రయించాడు.
తనకు భద్రత కల్పించమని పోలీసులకు విజ్ఞప్తి చేశాడు. షారుక్‌కు మరింత భద్రత ఇవ్వాలని నిర్ణయించుకున్న మహారాష్ట్ర ప్రభుత్వం ముందుగానే చర్యలు తీసుకుంది. షారుక్‌కు ముంబాయి పోలీసులు వై-ప్లస్ భద్రతను కల్పించారు. ఆరుగురు వ్యక్తిగత భద్రతా సిబ్బందిని ఏర్పాటు చేశారు. 24 గంటల పాటు ఉంటారు. మూడు షిఫ్టుల్లో భద్రత కల్పిస్తారు. పఠాన్, జవాన్ రెండు సినిమాలను షారుక్ సొంత బ్యానర్‌పై అతని భార్య గౌరీఖాన్ నిర్మించారు. ఈ రెండు కూడా రూ.1000కోట్లకు పైగా వసూళ్లు రాబట్టాయి.
ఇది కూడా చూడండి: Chinamayi : నాలుగేళ్ల తర్వాత కోలీవుడ్‌లో చిన్మయి డబ్బింగ్.. ఆనందం వ్యక్తం చేసిన సామ్
