Nizam Buyers Falling In Tamil Director jawan movie Trap
షారూఖ్ యాక్ట్ చేసిన జవాన్ మూవీ ఒక్క నైజాం (AP/TS/Maratwada) హక్కులను పెన్ ఫిల్మ్స్ అధిక ధరలకు కొనుగోలు చేసింది. ఈ చిత్రం బ్రేక్ ఈవెన్ సాధించడానికి రూ.55-60 కోట్ల గ్రాస్ కలెక్షన్‌లను వసూలు చేయాలి. ఒక డబ్బింగ్ చిత్రానికి ఇది అతి పెద్ద విషయమనే చెప్పాలి. తెలుగు రాష్ట్రాల్లో జైలర్ భారీ వసూళ్లను రాబట్టడంతో ప్రస్తుతం ట్రేడ్‌లో ఉత్కంఠ నెలకొంది. జైలర్ మంచి వసూళ్లు రాబట్టడంతో, జవాన్ కూడా అంతే వసూళ్ల వర్షం కురిపిస్తుందని నమ్ముతున్నారు. దీంతో ఈ సినిమా హక్కులు కొనుగోలు చేయడానికి ఎక్కువ ఉత్సాహం చూపిస్తున్నారు.
అయితే తెలుగు రాష్ట్రాల్లో షారుఖ్ ఖాన్ కి మంచి క్రేజే ఉంది. దానికి తోడు, తమిళంలో మంచి పేరున్న డైరెక్టర్ అట్లీ దర్శకత్వం వహిస్తున్న సినిమా కావడంతో మరింత ఎక్కువ ఆసక్తి చూపిస్తున్నారు. థెరి తర్వాత అట్లీ గుర్తుండిపోయే సినిమాలేమీ చేయనప్పటికీ, SRK, అట్లీల కాంబో కారణంగా బయ్యర్లు జవాన్‌ను అధిక ధరలకు కొనుగోలు చేయడానికి ఉత్సాహం చూపిస్తున్నారు. ఈ క్రమంలో తమిళ డైరెక్టర్ల ట్రాప్ లో నైజాం బయ్యర్లు(Nizam Buyers) పడిపోతున్నారని పలువురు భావిస్తున్నారు. ఈ చిత్రం బాక్సాఫీస్ వద్ద నిలదొక్కుకోవడానికి, విజేతగా నిలవడానికి గొప్ప మౌత్ టాక్‌ను తీసుకురావాలి. మరి ఈ సినిమా బాక్సాఫీసును ఎంత వరకు ఆకట్టుకుంటుందో చూడాలి మరి.
ఇది కూడా చూడండి: Dil Raju: శంకరా.. దిల్‌రాజుకు కూడా తెలియదట!
