ఇక షారుఖ్ పనైపోయింది అని అనుకున్న వాళ్లకు పఠాన్, జవాన్ దెబ్బకు దిమ్మతిరిగిపోయింది. పఠాన్ సినిమాతో వెయ్యి కోట్లు రాబట్టి షారుఖ్.. జవాన్ సినిమాతో చరిత్ర సృష్టించాడు. నాలుగు రోజుల్లోనే ప్రపంచవ్యాప్తంగా 500 కోట్లకు పైగా గ్రాస్ కలెక్షన్లు రాబట్టింది జవాన్. దీంతో ఒకే ఏడాదిలో రెండు 500 కోట్లు సినిమాలు రాబట్టిన హీరోగా షారుఖ్ ఖాన్ హిస్టరీ క్రియేట్ చేశాడు. ఈ ఏడాది ఆరంభంలో వచ్చిన పఠాన్ వెయ్యి కోట్లకు పైనే రాబట్టింది. ఇప్పుడా రికార్డును జవాన్ బ్రేక్ చేయడం ఖాయంగా కనిపిస్తోంది. తొలి రోజు కంటే నాలుగో రోజునే ఎక్కువ వసూళ్లను రాబ్టటింది జవాన్.
చదవండి: Jailer: ‘జైలర్‌’ సినిమాకు పనిచేసిన ప్రతి ఒక్కరికీ గోల్డ్‌ కాయిన్స్!
డే వన్ 130 కోట్లు, డే టు 110 కోట్లు, డే త్రీ 144 కోట్లు రాబట్టి.. మొత్తంగా మూడు రోజుల్లో 384 కోట్లకు పైగా గ్రాస్ అందుకుంది. ఇక సండే రోజు 150 కోట్లకు పైగా సాలిడ్ కలెక్షన్స్ రాబట్టిన జవాన్.. నాలుగు రోజుల్లోనే 500 కోట్ల మార్క్‌ను టచ్ చేసింది. అలాగే హిందీ సినిమా చరిత్రలో ఫస్ట్ వీకెండ్ లోనే అత్యధిక వసూళ్లు సాధించిన మూవీగా జవాన్ నిలిచింది. ఇలా ఎన్నో రికార్డులను తన పేరిట రాసుకుంటు పోతున్నాడు బాలీవుడ్ బాద్‌షా. అంతేకాదు.. జవాన్ ఖచ్చితంగా వెయ్యి కోట్లు రాబడుతుందని ట్రేడ్ వర్గాలు చెబుతున్నాయి.
చదవండి: Bigg Boss 7 : బిగ్‌బాస్7లో తొలివారం ఎలిమినేట్ అయ్యే కంటెస్టెంట్ ఎవరంటే?
అదే జరిగితే.. బ్యాక్ టు బ్యాక్ రెండు వెయ్యి కోట్ల సినిమాలు ఇచ్చిన రికార్డ్ షారుఖ్ సొంతం కానుంది. ఇక తమిళ దర్శకుడు అట్లీ కుమార్ డైరెక్ట్ చేసిన జవాన్ మూవీలో నయనతార హీరోయిన్‌గా నటించగా.. విజయ్ సేతుపతి విలన్‌గా నటించాడు. పక్క క‌మ‌ర్షియ‌ల్‌ ఫిల్మ్‌గా తెరకెక్కిన జవాన్ సినిమాకు నార్త్ ఆడియెన్స్ బ్రహ్మరథం పడుతున్నారు.
